Investısııalyq ahýaldy jaqsartý – basym baǵyt

Elimizdiń ınvestısııalyq tartym­dylyǵyn odan ári arttyrý, onyń ishinde salyq saıasatyn jetildirý máselelerine nazar aýdaryldy.

Otyrysqa qatysýshylar Úkimettiń qolaıly bıznes-orta qurýǵa, ósý ser­pinin saqtaýǵa jáne ekonomıkalyq damý sapasyn arttyrýǵa baǵyttalǵan reformalary týraly habardar boldy.

Ázirlenip jatqan jańa Salyq kodeksi sheńberinde ákimshilendirýdiń servıstik modelin engizý, salyq eseptiligin 30%-ǵa qysqartý jáne salyq tólemderi túrleriniń sanyn 20%-ǵa azaıtý kózdelgeni atap ótildi. О́z ónimin óndirýshiler úshin tabys salyǵynyń tómendetilgen mólsherlemesi engiziledi, shıkizatty qaıta óńdeýshiler jabdyqtyń ımporty boıynsha QQS tóleý merzimin uzartady. Sonymen qatar roıaltıge salyq salýdaǵy ózgerister túsindirildi.

Jıynda elimizdegi Amerıkalyq saý­da palatasynyń atqarýshy dırek­tory Djeff Erlıh, AQSh-tyń Almatydaǵy bas konsýly Mıshel Ierkın, Ulybrıtanııa elshisi Ketı Lıch, EO-nyń Qazaqstandaǵy Ýaqytsha senimdi ókili Macheı Madalın­skıı, Deloitte seriktesi Eldos Syzdyqov, Kavkaz jáne Ortalyq Azııa elderindegi EY basqarýshy seriktesi Erlan Dosymbekov, Beeline Qazaqstan bas dırektory Evgenıı Nastradın, ExxonMobil Qazaqstan bo­ıynsha basqarýshy dırektory Sesıl Raýlın, Pfizer aımaqtyq dırektory Dmıtrıı Kozenkov sóz sóıledi.

Kóterilgen taqyryptarǵa Premer-mınıstrdiń orynbasary – Ulttyq ekonomıka mınıstri Serik Jumanǵarın, Qarjy mınıstri Mádı Takıev túsinik­teme berdi.

Qarjy mınıstrliginiń málime­tinshe, 2024 jyly QQS qaıtarý aıasynda rekordtyq 1,2 trln teńge tólengen. 2026 jylǵy 1 qańtardan bastap salyq­ty qaıtarý rásiminiń tıimdiligi men ashyq­tyǵyn arttyratyn jańa aqparattyq júıe qoldanysqa engiziledi.

Otyrysty qorytyndylaǵan Premer-mınıstr Oljas Bektenov aıtyl­­ǵan usynystar men bastamalar úshin alǵysyn bildirdi. Qazaqstan Úkimeti ashyq dıalog pen ózara úılesimdi is-qımylǵa daıyn.