Foto: AShM
«2042 aýyl sharýashylyǵy taýaryn óndirýshilerden shamamen 239,4 mlrd teńge somasyna ótinimderdiń jalpy pýly qalyptastyryldy, onyń ishinde 1958 AShTО́-den 232,7 mlrd teńge somaǵa ótinimder jumysqa qabyldandy. 171,6 mlrd teńge somasyna 1396 AShTО́ qarjylandyryldy», dep habarlady Aýyl sharýashylyǵy mınıstrliginiń baspasóz qyzmeti.
Vedomstvonyń habarlaýynsha, kóktemgi dala jumystaryna 700 mlrd teńgege deıin baǵyttalatyn bolady, onyń 560 mlrd teńgesi naryqtyq kapıtal kózderinen tartylady. Úkimet qabyldaǵan sharalardyń arqasynda agrarshylar ózderi úshin barynsha qolaıly jaǵdaılarda qarjylyq qoldaý alady. Atap aıtqanda, qaryzdardy rásimdeý úshin de, olardy keıinnen óteý úshin de júginýge bolatyn qarjy ınstıtýttarynyń sany ulǵaıdy.
Sonymen qatar qarjylandyrý ekinshi deńgeıdegi bankter, kredıttik seriktestikter, áleýmettik-kásipkerlik korporasııalar jáne ANK arqyly qoljetimdi bolady.
