«Men aldaǵy jyldy «Jumysshy mamandyqtar jyly» dep jarııaladym. Bul – eńbek adamdaryna degen erekshe qurmettiń belgisi. Biz otanshyldyq, eńbekqorlyq jáne biliktilikke aıryqsha mán beremiz. Dál qazir merekege qaramastan myńdaǵan otandasymyz jumys istep jatyr. Olardyń arasynda shekarashylar, dárigerler, tártip saqshylary, qutqarýshylar men órt sóndirýshiler, óndiris basyndaǵy mamandar jáne basqa da azamattar bar. Muny óz isine degen adaldyqtyń naǵyz úlgisi deýge bolady. Men búkil halqymyzdyń atynan Sizderge shynaıy rızashylyǵymdy bildiremin. Shetelde bilim alyp jatqan nemese jumys istep júrgen azamattarymyzǵa amandyq tileımin!», – dedi Prezıdent.
Osy oraıda elimizdegi qarapaıym eńbek ıelerin únemi túrli marapattarmen qýantyp júretin jandar taǵy bir top azamattardyń eńbegine saı qurmet kórsetti. Bul joly marapattaý rásimin Qazaqstandaǵy tuńǵysh áıelder avtomektebiniń negizin qalaýshy, Prezıdenttimizdiń alǵys hat ıegeri, “Namys” tósbelgisiniń jáne “Altyn Júrek” nomınasııasynyń ıegeri, El Janashyry- Asylzat Eralyqyzy uıymdastyrdy. Túrli mamandyq ıeleriniń eńbegine saı qurmet kórsete otyryp, olardyń aldaǵy ýaqyttaǵy josparlaryn ortaǵa salyp, jańa Qazaqstandy qurý jolyndaǵy usynys oı pikirleri de talqylandy.
Árqaısysy ár saladaǵy mamandyq ıeleri ekenine qaramastan olardy biriktiretin ortaq uıa Qazaqstandy damytý ıdeıasymen toǵysýy qýantpaı qoımaıdy. Eńbekqor, óz eliniń janashyry osyndaı jandar barda el erteńiniń jarqyn bolaryna eriksiz senesiń! Marapattalǵan jandardyń ishinde ustaz da, kásipker de, sportshy, dáriger men jýrnalıst te bar. Prezıdent sóziniń jerde qalmaı, eńbek ıeleriniń eńbegine saı qurmet kórsetilip jatqany qýantady.
