Sýret: primeminister.kz
Jumys sapary barysynda Qanat Bozymbaev oblys ákimi Marat Ahmetjanovpen birge Esil jáne Nura ózenderiniń saǵasyndaǵy bógetterdiń, sý ótkizý qurylystarynyń, sý toraptarynyń jaı-kúıin tekserdi. Sondaı-aq Astana kontr retteýishi men elorda irgesindegi Jibek Joly aýylymen aradaǵy uzyndyǵy 6,5 shaqyrymǵa sozylǵan tospa bógettiń qurylysyn qadaǵalady.
Vıse-premer Qosshy qalasynyń mańyndaǵy Taıtóbe aýylyndaǵy tasqynnan qorǵanys úshin turǵyzylǵan úıindiniń beriktigin tekserdi. Is júzinde aýylda 7 myń adam turady. Mundaǵy topyraq úıindisi eldi mekendi dalanyń erigen sýynan qorǵaý qyzmetin atqarady.
Sonymen qatar Qanat Bozymbaev Nura-Esil ózenderindegi Preobrajen sý torabynyń jaı-kúıimen jáne Talapker aýyly arqyly ótetin sý burý kanalynyń jaǵalaýlaryn kóterý jumystarymen tanysty.
Aqmola oblysynda barlyǵy 144 sý tasqyny qaýpi bar eldi meken bar. Ákimdiktiń málimetinshe, aldyn alý sharalary tolyǵymen aıaqtaldy.
Osylaısha, Selınograd aýdanynda Esil jáne Nura ózenderiniń qaýipti ýchaskelerinde jaǵalaýdy bekitý jáne arnasyn keńeıtý jumystary júrgizildi. Kókshetaý qalasyndaǵy Qylshaqty ózeniniń basseıni boıynsha túbin tereńdetý sharalary atqaryldy.
Oblys basshylyǵy búgingi tańda óńirde 107,4 shaqyrym sý burý kanaldary jabdyqtalǵanyn, 38 shaqyrym ózen arnalary tazartylǵanyn, uzyndyǵy 35 shaqyrymnan asatyn ózenderdiń sý tasqyny qaýpi bar ýchaskelerinde jaǵalaýdy bekitý jáne túbin tereńdetý júrgizilgenin baıandady. 131 shaqyrym bóget nyǵaıtyldy, 21 shaqyrymnan astam jańadan úıindiler turǵyzyldy jáne 336 sý ótkizý qurylystary jabdyqtaldy.
Qanat Bozymbaev jumys saparynyń qorytyndysy boıynsha sý tasqyny kezeńin qaýipsiz ótkizý úshin qajetti tehnıka men jeke quramdy daıyndaýdy tapsyrdy.
