Foto: Ashyq derekkózden
Taraptar qylmystyq is materıaldarymen tanysqan soń, is sotqa jiberý úshin prokýrorǵa joldanǵan.
Tergeý barysynda 40 sot saraptamasy júrgizilip, 200 kýágerden jaýap alynǵan. Oblys polısııasynyń málimetinshe, qylmystyq is 62 tomnan turady. Onyń ishinde jınalǵan dáleldemeler, saraptama qorytyndylary, jaýap alý hattamalary jáne basqa da mańyzdy materıaldar bar.
«Barlyq kúdiktiniń oqıǵa ornynda aıtqan jaýaptary tekserildi, prosess qatysýshylary arasynda bettestirýler ótkizildi, sondaı-aq qylmystyń barlyq mán-jaıyn anyqtaýǵa baǵyttalǵan ózge de tergeý áreketteri júzege asyryldy. Árbir tergeý áreketi qylmystyq zańnama talaptaryna sáıkes júrgizildi, tergeýdiń barlyq kezeńinde zańdylyq, ashyqtyq jáne obektıvtilik saqtaldy», delingen habarlamada.
Tergeý barysy men prosess qatysýshylarynyń konstıtýsııalyq quqyqtarynyń saqtalýyn prokýratýra organdary baqylaýda ustaǵan.
