Foto: anatili.kazgazeta.kz
Analar uıym bolyp uıysty
2014 jyly bir-eki aı ishinde ǵana qurylǵan konsýltatıvtik-keńesý organy sanalatyn «Analar keńesi» – oblystyq, qalalyq, aýdandyq, aýyldyq jerlerde bar jáne kásiporyndar men etnomádenı birlestikter janynan da qurylǵan. Olardyń barlyǵy belsendi jumys istep jatyr.
Keńestiń quramynda kóp balaly analar, patronat analar, memlekettik qurylymdardyń, úkimettik emes uıymdardyń qyzmetkerleri, psıhologııalyq-medısınalyq mekemelerdiń jáne daǵdarys ortalyqtarynyń mamandary, etnomádenı birlestikter men ǵylymı ári shyǵarmashylyq zııaly qaýymnyń ókilderi, áıelderdiń qoǵamdyq uıymdarynyń belsendileri, medıatorlar, jastar bar.
Basty baǵyttyń biri – toleranttylyq
Quramynda analar bolatyn barlyq qoǵamdyq birlestikterdiń jumysy uqsas ekeni belgili. Eń bastysy – jas urpaqty, bolashaqta elimizdiń tizginin ustar býyndy tárbıeleý máselesi.
«Analar keńesiniń» basty maqsattarynyń biri – otbasynda toleranttylyqty tárbıeleý. Kópetnosty memlekette ómir súrip jatqanymyzdy eskeretin bolsaq, bul – úlken mańyzǵa ıe másele. Bala boıyna basqa ult ókilderine degen dostyq peıil men mádenıetti qarym-qatynastyń negizderi qalana otyryp, tolerantty tulǵa qalyptastasatyny sózsiz.
San-salaly jumys
Assambleıa janynan qurylǵan túrli deńgeıdegi «Analar keńesi» jumysynyń negizgi baǵyttary – elimizde júrgizilip jatqan otbasylyq-demografııalyq saıasatqa qoldaý kórsetý, otbasy ınstıtýtyn saqtap-nyǵaıtýǵa yqpal etý, jasóspirimder arasynda quqyq buzýshylyqtyń aldyn alýǵa úles qosý jáne óskeleń urpaqty tárbıeleý.
«Analar keńesi» áıelderdiń quqyqtyq saýattylyǵyn arttyrýǵa, ata-anasynyń qamqorlyǵynsyz qalǵan balalardyń máselelerin sheshýge, ulttyq qundylyqtar men dástúrlerdi jańǵyrtýǵa atsalysyp keledi.
Keńes túrli is-sharalar arqyly berekeli otbasylardy nasıhattaıdy. Elimizde júrgizilip jatqan áleýmettik-ekonomıkalyq reformalardy túsindirý boıynsha jumystary óz aldyna bir tóbe.
Qaıyrymdylyqtan tys qalmaǵan
«Analar keńesi» qashanda elimizdegi jaǵdaılarǵa beı-jaı qaraı almaǵan. Máselen, byltyr kóktemgi sý tasqynynan zardap shekken aımaqtardaǵy kóp balaly otbasylaryna qol ushyn sozyp, páter jaldap, kıim-keshek, azyq-túlikpen kómek jasady. Oǵan deıin de mundaı sharalardan qalys qalmaǵan. Alǵys aıtý kúni jáne «Naýryzama» onkúndigin merekeleý aıasynda qaıyrymdylyq aksııa, t.b. ótkizdi. Sý tasqynymen kúreske etnomádenı birlestikterdiń ókilderi qosylyp, olar qaıyrymdylyq jáne gýmanıtarlyq kómek jınaýǵa jumyldy. Jalpy qaı jaǵynan bolsa da Analar keńesiniń qoǵamǵa bereri mol!
Ataýly kúnderge atsalysyp keledi
«Analar keńesi» qoǵamymyzdaǵy túrli ataýly kúnderdi nazardan tys qaldyrmaı, is-sharalar ótkizip keledi. Esirtki zattary, alkogol tutyný, t.b. zııankestikterden jastardy aýlaq bolyp, salaýatty ómir saltyn ustanýǵa shaqyrady ári sporttyq sharalardy da ótkizip turady.
Analarmen ótkizilgen jıyndarda qazirgi qoǵamdaǵy otbasy máseleleri qozǵalyp, kóp balaly jandardyń ál-aýqaty, otbasyndaǵy zorlyq-zombylyqtyń aldyn alýdyń mańyzdylyǵy, balalardyń qaýipsizdigi jáne t.b. týraly aıtylyp, psıhologpen áńgime de júrgiziledi.
Túrli kezdesýlerde analar ózderiniń tájirıbeleri men kásipteri jáne bıznes pen qoǵamdyq qyzmetti ushtastyrý tásilderi, t.b. týraly aıtyp, jastardy qıyndyqtardan ótip, alǵa umtylýǵa shaqyrady. Bir sózben aıtqanda motıvasııalyq sharalar uıymdastyryp keledi.
Forýmdar
2014 jyly 13-14 qarashada «Analar keńesiniń» I respýblıkalyq forýmy, 2015 jylǵy 26 qazanda II respýblıkalyq keńes, 2016 jylǵy 28-29 tamyzda III keńes ótti. Bul alǵashqy I, II, III, forýmdar elorda tórinde ótkizildi. Al IV respýblıkalyq analar keńesi 2017 jylǵy 6 qazanda Shymkentte ótse, V keńeıtilgen otyrys 2018 jylǵy 29-30 qazanda Taldyqorǵanda ótip, Keńestiń VI keńeıtilgen otyrysy 2019 jyly 29-30 qazanda Qostanaı qalasynda ótti.
Aıta ketsek, 2024 jyly qarasha aıynyń 7-8 kúnderi Astanadaǵy Dostyq úıinde Qazaqstan halqy Assambleıasy Analar keńesiniń 10 jyldyǵyna arnalǵan mereıtoılyq forým ótti.
Jalpy aıtqanda, atalǵan respýblıkalyq forýmdarǵa analar keńesteriniń delegasııalary, mınıstrlikterdiń ókilderi, depýtattar t.b. qatysty. Baıandamalar jasalyp, máseleler qaraldy. Qazaqstan men kórshiles elderdiń áleýmettik kepildikterine salystyrmaly taldaý jasaldy. Etnostardyń memlekettik tildi ultaralyq qarym-qatynas tili retinde meńgerý máselesi de qaraldy. Atalǵan otyrystarda áleýmettik salany damytý boıynsha keń aýqymdy talqylaýlar jáne tájirıbe almasýlar boldy.
Túıin
Búginde quramynda Parlament músheleri, densaýlyq saqtaý, bilim berý jáne basqa da túrli sala mamandarynan quralǵan zor áleýetke ıe «Analar keńesiniń» qyzmeti barlyq salany qamtıdy: bilim berý, densaýlyq saqtaý, quqyqtyq tárbıe, t.b. Kez kelgen adam kómek alý úshin keńeske júgine alady.
Keńester qyz-kelinshekterdiń quqyqtyq saýatyn arttyrý, ata-ana qamqorlyǵynsyz qalǵan balalar máselesin sheshý boıynsha orasan zor jumys júrgizip keledi. Jyl ótken saıyn analardyń otbasylyq, rýhanı tárbıe, medıasııa, t.b. máselelerge at salysýy artyp keledi.
Áleýmettik mańyzdy jobalardy damytý, otbasylardy qoldaý jəne turaqty mədenı qundylyqtardy qalyptastyrý turǵysynda «Analar keńesiniń» róli erekshe. Túıindeı aıtqanda «Analar keńesiniń» qoǵamǵa bereri mol!
