Nesıeniń tólem merzimin keıinge shegerý degenimiz ne?
Bul nesıe alýshyny tólem jasaýdan ýaqytsha bosatý. Biraq ol qaryzdy keshirý emes, tek tólemderdi keıinge qaldyrý ekenin eskerý qajet. Keıin bank nesıeniń merzimin uzartýy nemese tólemderdi kóbeıtýi múmkin.
Eger merzimin keıinge shegerý rásimi resmı túrde kelisilip, sharttyń talaptary oryndalsa, bul nesıe tarıhyna teris áser etpeıdi.
Tólem merzimin keıinge shegerýdi kim rásimdeı alady?
Bank ótinishterdi jeke tártippen qaraıdy. Kóbinese, oń sheshim kelesi jaǵdaılarda qabyldanady:
- ýaqytsha eńbekke jaramsyzdyq (syrqattaný saldarynan);
- jumystan qysqarý nemese jalaqynyń tómendeýi;
- otbasy músheleriniń sanynyń artýy (mysaly, bala týý);
- fors-majorlyq jaǵdaılar (órt, sý tasqyny jáne t.b.).
2024 jyldan bastap merzimdi áskerı qyzmetshilerge nesıe boıynsha merzimin keıinge shegerý avtomatty túrde beriledi – ótinish berýdiń qajeti joq. Bul tek qyzmet etý kezeńin ǵana emes, odan keıingi 60 kúndi de qamtıdy. Sondaı-aq, osy ýaqyt ishinde paıyzdar men aıyppuldar eseptelmeıdi.
Merzimin keıinge shegerýdi qalaı rásimdeýge bolady?
Nesıe bergen uıymǵa júginý
О́tinishti bankke nemese mıkroqarjy uıymyna (MQU) keńsede, mobıldi qosymshada nemese elektrondyq poshta arqyly jiberýge bolady. Neǵurlym erte habarlassańyz, sheshim qabyldaý yqtımaldyǵy soǵurlym joǵary.
Qujattardy daıyndaý
Qarjylyq qıyndyqtardy rastaıtyn qujattardy usyný qajet:
- jumystan bosatý týraly buıryq nemese qysqartý týraly anyqtama;
- medısınalyq anyqtamalar;
- jalaqynyń tómendegenin rastaıtyn qujattar;
- bala týý týraly kýálik (eger otbasy músheleriniń sany artsa).
Sheshimdi kútý
Bank nemese MQU ótinishti 15 jumys kúni ishinde qaraıdy. Múmkin nusqalar:
- merzimin keıinge shegerýdi maquldaý;
- bas tartý (sebebi kórsetiledi);
- basqa nusqany usyný (qaıta qurylymdaý, paıyzdyq mólsherlemeni tómendetý jáne t.b.).
Eger negizsiz bas tartsa, bank ombýdsmanyna (bankter úshin) nemese mıkroqarjy ombýdsmanyna (MQU úshin) júginýge bolady. Eger olar da kómektese almasa, Qarjy naryǵyn retteý jáne damytý agenttigine shaǵymdanýǵa bolady.
Mańyzdy eskertý:
- merzimin keıinge shegerý eń kóp degende 6 aıǵa beriledi;
- merzimin keıinge shegerý ýaqyty artqan saıyn, artyq tólem somasy da kóbeıedi;
- qaryz merzimin keıinge qaldyrý týraly ótinishti qaryz merzimi ótip ketpeı turyp berý kerek.
