О́skemende Assambleıanyń 30 jyldyǵyna arnalǵan eskertkish taqta ashyldy

Saltanatty jıynda Shyǵys Qazaqstan oblysynyń ákimi Nurymbet Saqtaǵanov Qazaqstan Respýblıkasynyń Prezıdenti Qasym-Jomart Toqaevtyń quttyqtaý hatyn oqyp berdi. Memleket basshysy óz joldaýynda Qazaqstan halqy Assambleıasynyń otyz jyl ishinde eldegi turaqtylyq pen tatýlyqtyń tiregine aınalǵanyn atap ótti. Osy jyldar ishinde Shyǵys Qazaqstanda etnosaralyq kelisim men ózara syılastyqqa negizdelgen erekshe mádenı orta qalyptasty.

– Sizderdiń ultaralyq dıalogty damytýǵa, beıbitshilik pen kelisimdi nyǵaıtýǵa qosqan úlesterińiz orasan. Júrgizip otyrǵan qyzmetterińiz halyqty bir maqsatqa uıystyryp, dostyq pen yntymaqtyń berik irgetasyn qalaýǵa septigin tıgizýde. Búgin, Alǵys aıtý kúni qarsańynda, sizderge el birligi jolyndaǵy adal eńbekterińiz ben patrıottyq ustanymdaryńyz úshin shynaıy rızashylyǵymdy bildiremin, – dedi aımaq basshysy Nurymbet Saqtaǵanov.

Saltanatty jıyn barysynda oblys ákimi etnosaralyq tatýlyq pen yntymaqtastyqty nyǵaıtýǵa súbeli úles qosqan Qazaqstan halqy Assambleıasynyń músheleri men óńir belsendilerin marapattap, olarǵa alǵys hattar tabystady. Sonymen qatar, jıynda etnıkalyq jáne mádenı baılanystardy odan ári damytý máseleleri keńinen talqylandy.

Shyǵys Qazaqstan oblystyq Assambleıasy túrli mádenı, bilim berý jáne áleýmettik jobalardy belsendi júzege asyryp keledi. Jýyrda QHA jastary respýblıkalyq qysqy lager uıymdastyryp, eldiń ár óńirinen kelgen jas ókilderdi bir alańǵa toǵystyrdy. Sonymen qatar, stýdenttik Assambleıalar qurylyp, jastar qaıyrymdylyq sharalaryna belsene qatysýda.

О́ńirde QHA-nyń jastar jáne balalar teatry tabysty jumys istep keledi. Bıyl teatr ujymy Abaı jáne Pavlodar oblystaryna, sondaı-aq Astana qalasyna gastroldik saparǵa shyǵýdy josparlap otyr.

Qazaq tili men mádenıetin damytý baǵytynda birqatar mańyzdy bastamalar júzege asyrylýda. Sonyń biri – «Qonaqjaı otbasy» jobasy. Bul joba arqyly balalar ulttyq dástúr men memlekettik tildi tereń meńgerip, ártúrli etnos ókilderi arasyndaǵy mádenı baılanysty nyǵaıtýǵa múmkindik alady.

Dostyq úılerinde dástúrli túrde jumys isteıtin til mektepterimen qatar, ótken jyly qosymsha 25 «Kel, sóıleseıik» qazaq tili klýby ashyldy. Qazirgi tańda aýdandarda ártúrli jastaǵy azamattarǵa arnalǵan 74 Memlekettik tildi oqytý ortalyǵy jumys istep tur, al bıyl olardyń sanyn 100-ge jetkizý josparlanǵan.

Qazaqstan halqy Assambleıasy músheleriniń bastamasymen О́skemende Dostyq úıiniń mańynda «Dostyq» Arbaty ashylady. Sonymen qatar, Qazaqstan halqy Assambleıasynyń 30 jyldyq mereıtoıyna oraı, oblystyq bıýdjetten qarajat bólinip, Dostyq úıinde zamanaýı «Komıýnıtı zaly» paıdalanýǵa berilmek.