Foto: Atyraý oblysynyń ákimdigi
Jıynda Serik Shápkenov ýnıversıtetterden, zertteý uıymdarynan, ındýstrııadan jáne aımaqtyq damý ınstıtýttarynan ǵalymdardy tartý arqyly ǵylymı usynystar ázirleıtin, bastalǵan jobalarǵa saraptama júrgizetin, qarjylandyrý boıynsha usynystar ázirleıtin ǵylymı-tehnıkalyq keńestiń mańyzyna toqtaldy.
«Keńes Ulttyq ǵylym akademııasymen tikeleı baılanysta belsendi jáne júıeli túrde jumys jasaıtyn bolady.Biz úshin aqparattyq tehnologııalar men jasandy ıntellekt salasyndaǵy qoldanbaly sheshimder, ekologııalyq zertteýler men júıeli ekologııalyq monıtorıng, sonyń ishinde jasandy ıntellektti qoldana otyryp, sýdy tıimdi paıdalaný jáne óndiristik sý qaldyqtaryn tereń tazartý men regenerasııalaý, óndiristik polımerler negizinde jańa materıaldar men kompozıtter, plastıkalyq qaldyqtardy qaıta óńdeý men regenerasııalaý ádisteri, munaımen lastanǵan topyraqtardy jol qurylysyna jáne qurylys materıaldaryna paıdalaný sııaqty zertteýlerdiń mańyzy óte zor. Bular akademııa ázirleıtin negizgi memlekettik ǵylymı baǵyttarda kóterilip, qoldaý tabýy tıis», dedi S.Shápkenov.
Bul rette aımaq basshysy óńirlik ǵylymı qordy nátıjeli paıdalanyp, óndiriske qajetti, suranysqa ıe mamandardy daıyndap, olardyń jobasyna jan-jaqty qoldaý kórsetýge basymdyq berýdi atap ótti.
QR Ulttyq ǵylym akademııasynyń basqarma prezıdenti Aqylbek Kúrishbaevtyń aıtýynsha, Atyraý oblysynyń ekonomıkasy ǵylymı zertteýlerdiń túrli baǵyttary boıynsha qolaıly.
«Jergilikti bıýdjetterde óńirlik ǵylymdy qarjylandyrýdyń bıýdjettik baǵdarlamalary joq. Jalpy, jergilikti bıýdjetten ǵylymǵa bólinetin qarajat kólemi, memleket boıynsha onyń damýyna jumsalatyn jalpy shyǵystardyń 1% - nan da aspaıdy. Atyraý oblysy — elimizdiń tabıǵı resýrstary jáne ekonomıkalyq áleýeti eń mańyzdy óńirleriniń biri. Osy turǵyda Atyraý oblysy basqa óńirlerge úlgi bola alady. Bul rette Ulttyq ǵylym akademııasy qajetti kómek kórsetýge daıyn. Eń aldymen, О́ńirlik keńes Ulttyq akademııamen tyǵyz baılanys ornatýy qajet jáne bul sizderge keńes qyzmetiniń barlyq máselesi boıynsha Akademııadan tolyqqandy ádistemelik jáne praktıkalyq kómek alýǵa múmkindik beredi. Ulttyq ǵylym akademııasy ázirlegen ǵylymdy damytýdyń basym baǵyttaryn aıqyndaýdyń jańa júıesine sáıkes agroónerkásiptik keshen, munaı jáne taý-ken metallýrgııa ónerkásibi, tushy sýǵa qol jetkizýdi qamtamasyz etý, ómir súrý sapasyn arttyrý jáne adamı kapıtaldy damytý salalaryndaǵy zertteýler strategııalyq basymdyqtarǵa jatqyzylǵanyn jáne olar birinshi kezekte qarjylandyrylatynyn aıtý kerek», dedi A.Kúrishbaev.
Qatysýshylar óńirlik ǵylymnyń damýynyń ózekti máseleleri, onyń óńir men eldiń áleýmettik-ekonomıkalyq damýyna yqpaly sóz etti. Kóshpeli otyrys aıasynda ǵylymı-ınnovasııalyq kórme uıymdastyryldy.
Akademııa Prezıdıýymynyń kóshpeli otyrys jumysy nátıjesinde respýblıkada alǵash ret Atyraý oblysy ákimdigi janynan ǵylymdy qoldaý Qoryn qurý týraly sheshim qabyldandy.
Shara óńirlik ǵylymnyń basym mindetterin aıqyndaýǵa arnalǵan forsaıt-sessııamen jalǵasady. «Ǵylym-bıznes» pıtch-sessııasy formatynda kommersııalandyrýǵa daıyn perspektıvaly ǵylymı jobalar usynylady. Qatysýshylar ǵylymı qaýymdastyq pen bıznes arasyndaǵy yntymaqtastyq múmkindikterin talqylaıdy.
