Atalǵan ortalyq 3 jastan 18 jasqa deıingi balalardy qabyldap jáne úsh aıdan úsh jasqa deıingi balalardy ońaltý syındy eki bólimnen turady. Ár bólim aı saıyn 50 balany qabyldaıdy. Ashylǵan sátten bastap ortalyqta úsh myńnan astam bala ońaltýdan ótken. Munyń ishinde 1000-ǵa jýyq bala táýlik boıy stasıonarda em qabyldap, kómek alady. Ortalyq AQSh, Ulybrıtanııa, Avstralııa, Reseı jáne basqa da shet elderden jetkizilgen zamanaýı qondyrǵylarmen jasaqtalǵan. Múmkindigi zor tehnıkalarmen jabdyqtaýǵa aımaqtaǵy iri kásiporyndar sanatyndaǵy KAZ Minerals toby 112 mln teńge qarajat bólgen.
«Qamqorlyq» ońaltý perınataldyq ortalyǵy oblys ortalǵy Semeı qalasynyń turǵyndaryn ǵana qabyldap qana qoımaı, qalaǵa jaqyn mańda eldi mekenderdiń de balalaryn qabyldap, qyrýar qyzmet atqaryp jatyr. Osy ortalyq ashylǵanǵa deıin óńirdeni balalar Astana men Almatydaǵy ońaltý ortalyqtarynda kezegin kútse, búginde kúnbe-kún em alýyna jaǵdaı jasalyp otyr.
Densaýlyq saqtaý basqarmasnyń dereginshe qazir Semeı qalasynda psıhologııalyq turǵydan damýy tejelgen nemese ártúrli aqaýlary baıqalǵan múgedektigi bar balalar óte kóp ekeni aıtylady. Atalǵan ortalyqta psıhologııalyq aýytqýshylyqqa ushyraǵan balalarmen mamandar 1,5-2 saǵat boıynda úzdiksiz qyzmet kórsetedi.
О́tken jyly júrip-turýy tejelgen 61 bala alǵashqy qadamdaryn jasasa, sóıleýi osyǵan deıin teris nátıje bergen 105 bala ońaltý kýrsynan keıin alǵashqy sózderin aıtqan. Bul balalar úshin de, osynda qyzmet atqaratyn dárigerler úshin de úlken jeńis ekenin aıtady ortalyq mamandary.Ortalyqtaǵy trenajerlar men serebraldy sal aýrýyna arnalǵan qurylǵylar, omyrtqa men býyndardyń jumysyn jaqsartady. Ońaltý kýrsyna jattyǵý terapııasy, fızıoterapııa, jaryqpen emdeý, sý massajy, logoped jáne defektologpen birge júrgiziletin sabaqtar kiredi.
Mamandardyń sózinshe, balalarǵa arnalǵan keshendi ońaltý qyzmeti ásirese damýdyń alǵashqy kezeńderinde - 3 aıdan 3 jasqa deıingi aralyqta aýadaı qajet, óıtkeni 3 jasqa deıin balanyń mıy ońaltý emin erkin qabyldaı alady. Ońaltýdy neǵurlym erte bastasa múgedektiktigi bar balalardyń ony jeńýine mol múmkindigi bar ekenin aıtady.
