Jobanyń quny – 8,5 mlrd teńge. Igi is «Qazaqmys korporasııasy» JShS men Ulytaý oblysy ákimdiginiń memorandýmy aıasynda, Bank RBK qoldaýymen júzege asty. Úsh qabatty ǵımarattyń jalpy aýdany 7 816 sharshy metrdi quraıdy. Sport kesheninde 1200 sharshy metr sport zaly bar. Aýdany 350 sharshy metr kórkem, sporttyq gımnastıka zalynda túrli snarıadtar ornatylyp, tósenishter tóselgen. Uzyndyǵy 25 metrdi quraıtyn basseın qaladaǵy alǵashqy úlken basseın. Sport kesheninde komandalyq sport túrlerine arnalǵan elektrondy tablo, basketbol alańy, 320 kórermenge arnalǵan trıbýna bar. Ekinshi qabatynda ústel tennısi, boks, basqa da sport túrlerimen shuǵyldanýǵa arnalǵan qurylǵylar ornatylǵan.
«Qazaqmys» korporasııasy» JShS basqarma tóraǵasy Nurahmet Nurıevtiń aıtýynsha, kompanııa jyl basynan beri Ulytaý oblysynda úsh nysandy qoldanysqa berip úlgerdi. Sátbaev qalasynda «Aqbota» balabaqshasy kúrdeli jóndeýden ótip, balǵyndarǵa esigin aıqara ashty. Jezqazǵan qalasynda elimizdegi eń iri shahmat akademııasy ashyldy. Endi mine, «Jiger» dene shynyqtyrý-saýyqtyrý kesheni paıdalanýǵa berilip otyr. Jyl sońyna deıin taǵy 5–6 nysandy aıaqtaý josparda bar.
Ulytaý oblysy
