Foto: Ashyq derekkóz
Nurtaı Sabılıanovtyń aıtýynsha, qujattar Páter ıeleri kooperatıvteri (PIK), múlik ıeleri birlestikteri (MIB) jáne qarapaıym seriktestikterdiń (QS) qyzmetin retteýge, turǵyn úı basqarý júıesin jetildirýge, qarjylyq ashyqtyqty arttyrýǵa, sondaı-aq saladaǵy ákimshilik jaýapkershilikti kúsheıtýge baǵyttalǵan.
«Qarapaıym seriktestik» uǵymy alynyp tastaldy. Budan basqa, ashyqtyqty arttyrý úshin zań jobalary basqarý sýbektileriniń aqparattyq júıelerde qarajattyń jumsalýy men jınaqtalýy týraly aı saıynǵy eseptilikti mindetti túrde ornalastyrý bóliginde ózgerister usynylǵan. Turǵyn úı ınspeksııasynyń ókilettikteri keńeıtilgen. Sondaı-aq, ilespe zańdarda múlik obektilerin basqarý sýbektilerine salyq salý tártibi aıqyndalǵan jáne shottardy ashý merzimderin buzǵany, KJT-ǵa eseptilikti, qujattamany usynbaǵany úshin ákimshilik jaýapkershilik belgilengen (50 AEK)», dedi Nurtaı Sabılıanov.
Aıta keteıik, Parlament Májilisiniń turaqty komıtetteri zań jobasy boıynsha oń qorytyndylar usynǵan.
Májilis depýtaty Nurtaı Sabılıanov zań jobasyn birinshi oqylymda qoldaýǵa shaqyrdy.
«Joǵaryda aıtylǵandarǵa baılanysty Sizden osy zań jobasyn birinshi oqylymda qoldaýyńyzdy suraımyn. Jumys toby zań jobasyn ekinshi oqylymǵa daıyndaý aıasynda jumysyn jalǵastyrady», dedi ol.
