- Prezıdent kezekti ret áıelder men balalardyń quqyqtaryn qorǵaý máselesine erekshe nazar aýdardy.
Otbasylyq-turmystyq zorlyq-zombylyqqa qarsy kúres týraly zań qabyldanǵannan keıin, Qazaqstan Respýblıkasynyń Mádenıet jáne aqparat mınıstrligi Otbasyn qoldaý ortalyqtarynyń jumysyn qaıta qurýdy júzege asyrdy. Elimizde qıyn jaǵdaıǵa tap bolǵan otbasylarǵa kómektesý maqsatynda keıs-menedjment júıesi engizilip, biryńǵaı jeli quryldy. Bul óz kezeginde jumystyń tıimdiligin arttyrýǵa múmkindik berdi. Búginde Qazaqstanda 104 Otbasyn qoldaý ortalyǵy jumys isteıdi, al 2027 jylǵa deıin olardyń sanyn 208-ge deıin kóbeıtý josparlanyp otyr, - delingen mınıstrdiń jazbasynda.
Prezıdent óz sózinde adamı kapıtalǵa ınvestısııa salýdyń mańyzdylyǵyn atap ótip, eldiń ıntellektýaldy jáne shyǵarmashylyq áleýetin qoldaý men ony tabysty iske asyrý qajettigin aıtty.
- Memleket basshysy sonymen qatar elimizdiń qujattyq murasyn saqtaý máselesine de erekshe toqtaldy. Mádenıet jáne aqparat mınıstrligi Qazaqstannyń jańa mádenı mura nysandaryn IýNESKO tizimine engizý boıynsha belsendi jumys júrgizýde. Osy maqsatta IýNESKO-nyń «Álem jady» tizilimine Qazaqstannyń qujattyq murasyn engizý jáne nasıhattaý jónindegi Jumys toby quryldy. Onyń quramyna ǵalymdar, arhıvshiler, arheologtar, akademııalyq qaýymdastyq ókilderi men qoǵam qaıratkerleri kirdi.IýNESKO-nyń «Álem jady» baǵdarlamasy boıynsha Ulttyq komıtettiń qyzmeti aıasynda Memlekettik keńesshi Erlan Qarınniń tóraǵalyǵymen ulttyq reestr qurý jospary ázirlenip, eldiń qujattyq murasyn zertteý jáne tolyqtyrý boıynsha júıeli jumystar júrgizilip jatyr, - deıdi Aıda Balaeva.
Onyń paıymynsha, bul bastama tarıhı eskertkishtermen qatar, ulttyq dástúrler, til, mýzyka jáne qolónerdi qorǵaýǵa baǵyttalǵan. Jańa nomınasııalardy ázirleýge de erekshe bólinedi. Olardyń ishinde Abaıdyń «Qara sózderi» qoljazbalary, tanymal qazaqstandyq avtorlar men oryndaýshylardyń aýdıovızýaldy arhıvteri, sondaı-aq Qazaqstan tarıhyna qatysty biregeı kıno jáne fotomaterıaldar bar.
- Buǵan deıin IýNESKO reestrine Qoja Ahmet Iаssaýı qoljazbalary, Aral teńizin qutqarý qujattary jáne «Nevada-Semeı» halyqaralyq antııadrolyq qozǵalysynyń materıaldary engizilgen edi.Prezıdent teatr ónerin damytý máselesin de kóterip, orys jáne ózge de ulttyq teatrlardy qoldaý qajettigin atap ótti. Bul elimizdegi mádenı áralýandyqty saqtaýǵa yqpal etedi.Mınıstrlik etnıkalyq jáne orys teatrlaryn damytýǵa erekshe kóńil bólýde. Bıyl Mıhaıl Lermontov atyndaǵy memlekettik akademııalyq orys drama teatry men Natalıa Sas atyndaǵy memlekettik akademııalyq orys balalar men jasóspirimder teatrynyń Reseıge gastroldik sapary josparlanǵan, - dep jazdy mınıstr.
Derekke qaraǵanda, 2025 jyly Quddys Qojamııarov atyndaǵy respýblıkalyq memlekettik akademııalyq uıǵyr mýzykalyq komedııa teatry Túrkııaǵa, al Respýblıkalyq memlekettik akademııalyq koreı mýzykalyq komedııa teatry Koreıaǵa gastroldik saparmen barady. Buǵan qosa, óńirlik teatrlar halyqaralyq festıvalderge belsendi túrde qatysyp jatyr.
- Aqtóbe qalasynda jańa oblystyq teatrdyń qurylysyna jer telimi bólinip, joba-smetalyq qujattama ázirlenip jatyr. Osyndaı jumystar Qonaev qalasynda da júrgizilýde. Sonymen qatar, Shymkentte jańa opera teatrynyń qurylysyn bastaý máselesi qarastyrylyp jatyr. Bul baǵyttaǵy jumystar ári qaraı kúsheıtiledi.Prezıdent qazaqstandyq kınoóndiris pen anımasııany damytý máselesin de kóterip, olardyń sapasyn arttyrý qajettigin basa aıtty.Mınıstrlik «Qazaqfılm» kınostýdııasynyń ulttyq kınoóndiristegi jetekshi rólin saqtap qana qoımaı, ony halyqaralyq deńgeıge shyǵarýdy maqsat etip otyr.2024 jyly qazaqstandyq prokatqa 16 ulttyq fılm shyqty, al 2025 jyly memlekettik qoldaý aıasynda 14 jańa kórkem fılm men 2 zamanaýı kınotýyndy jaryq kóredi, - delingen jazbada.
Mańyzdy qadamdardyń biri – zamanaýı qural-jabdyqtarmen qamtylatyn anımasııalyq hab qurý. Bul hab otandyq anımasııanyń damý ortalyǵyna aınalady.
- Prezıdent memlekettik áleýmettik tapsyrys krıterıılerin qaıta qaraý jáne úkimettik emes uıymdar týraly zańnamany jetildirý qajettigin de atap ótti.Mınıstrlik osy baǵytta jumys tobyn quryp, problemalardyń tizimin jasap, zańnamalyq jáne normatıvtik túzetýler ázirleýde.Memleket basshysynyń tapsyrmasy aıasynda Qytaı, Túrkııa jáne Reseıde Qazaqstan mádenı ortalyqtaryn ashý máselesi qarastyrylyp jatyr. Mundaı ortalyqtardyń qyzmeti «Mádenıet týraly» zańda bekitilgen. Qazirgi tańda Beıjińdegi Qazaqstan mádenı ortalyǵynyń ornalasatyn orny anyqtalyp, onyń tujyrymdamalyq kontenti ázirlenýde. Bul ortalyqtyń qurylymynda kórme jáne konferens-zal, kovorkıng ortalyǵy, ulttyq mýzykalyq aspaptardy úıretýge arnalǵan synyptar men tildik kýrstar qamtylmaq.Mınıstrlik Prezıdent atap ótken barlyq baǵyttar boıynsha jumystardy jalǵastyratyn bolady, - deıdi Aıda Balaeva
