Foto: Qala ákimdigi
Fleshmobty Naýryznamanyń Ulttyq kıim kúnine oraılastyra uıymdastyrǵandar – elordalyq Bilim basqarmasy men Tehnıkalyq jáne kórkem shyǵarmashylyq ortalyǵy.
«Qamajaı» bıi – náziktik pen ádemilikti beıneleıdi. Al mundaı aýqymda óner kórsetý erekshe áser qaldyrýmen qatar, mádenıetimizdi keńinen nasıhattaý úshin de mańyzdy. Qyzdar daıyndyqtarynyń joǵary deńgeıde ekenin kórsetti, biz olardyń ónerin maqtan tutamyz», deıdi «ShAShÝ» folklorlyq ansambliniń shyǵarmashylyq jetekshisi Rahat Táýirjan.
Qala ákimdiginiń resmı saıtynyń málimdeýinshe, fleshmob erekshe sátpen aıaqtaldy: kórermender bı bılegen oqýshy qyzdarǵa qosylyp, olardyń qımylyn qaıtalady. Sol sııaqty bıshi qyzdar qyzǵaldaq gúline uqsap, ádemi kórinis jasady. Sonymen qatar, is-sharada ulttyq kıimderdiń sán kórsetilimi ótti, onda Astana kolledjderiniń stýdentteri qazaqtyń dástúrli kıimderin kórsetti.
