Depýtat búgingi keleli jıyn úsh jyldyqtaǵy saıası reformalardyń aralyq nátıjesine arnalyp otyrǵanyn eske salyp, halyq qalaýlylarynyń jasaǵanynan alda jasaıtyny kóbirek ekenin aıtty.
Uly jetistikterge bara jatqanymyz anyq. Bul – tikeleı Memleket basshysy Qasym-Jomart Kemeluly Toqaevtyń saıası ınstıtýttarǵa, oıy bólek azamattarǵa degen seniminiń arqasy. Meniń kúndelikti jumysqa keletin saparymdaǵy
ár qadamym aıaǵymdy eriksiz dirildetedi. О́ıtkeni kúndelikti Májiliske jumysqa kele jatqan ár depýtattyń ár qadamynda halyqtyń úmiti, halyqtyń amanaty jáne halyqtyń taǵdyry bar.Qazaq úshin qashannan da beri eldiń amanaty men seniminen aýyr júk joq. «Dóp» bassań – el úmitin aqtaǵan ersiń, «qalt» bassań – jaýdan beter ezsiń!, dedi Zaıytov.
Depýtattyń aıtýynsha, parlament halyqqa ashyq túrde jumys istep jatyr.
Májiliste apta saıyn saýal joldap, úkimet múshelerin suraqtyń astyna alyp jatqan depýttarǵa qarap halyqtyń oıyndaǵy óshken úmit qaıta tirildi. Kóterilmeı qalǵan másele, aıtylmaı qalǵan oı joq. Osylaısha, qoǵamdy tolǵandyratyn kóptegen másele sheshimin taýyp, eldiń irgesi bekı tústi. Árbir ıgi is júzege asqan saıyn halyqtyń bılikke degen senimi artyp keledi. Halyqtyń úni, taǵdyry men bolashaǵy, ómiri men ózegi, ol – Parlament, - dedi májilismen.
Sondaı-aq ol eldiń tek jetken jetistikterine emes, 30 jylda ketken kemistikterge de toqtalyp, qoǵamnyń rýhanı daǵdarysqa ushyrap jatqanyn alǵa tartty.
О́kinishke qaraı, qazirgi qazaq qoǵamy óte úlken jyldamdyqpen rýhanı daǵdarysqa ushyrap barady. Kún saıyn elimizdiń ár túpkirinde bir otbasy buzylyp, bir oqýshy zábir kórip, bir adam kisi qolynan qaza taýyp, bireý para alyp, bireý ózine qol jumsap, bireý alaıaqqa jem bolyp jatady. Mundaı mysaldar taýsylmaıdy. Búgingi qazaq qoǵamy týǵanǵa tasbaýyr, jaqynǵa jaý, dosyna dushpan bolyp ketti. Qoǵamnyń qatygez bola bastaýyna ne sebep boldy deseńizder, birden jaýap berý qıyn. О́ıtkeni onyń sebebi bireý emes. Turmystaǵy tarshylyq, tárbıeniń joqtyǵy, jetkinshekterge úlgi bolatyn tulǵalardyń qubyjyqqa aınalýy, materıaldy baılyqtyń birinshi orynǵa shyǵýy, áleýmettik jelidegi belgili tulǵalardan bastap ártúrli din men ult ókilderiniń ózara ashyq soǵysy, t.s.s. osynyń bári adamnyń rýhanı tozyp, qatygez bolýyna ákelip soǵyp jatyr, deıdi Rınat Zaıytov.
