Foto: parlam.kz
Depýtattyń pikirnshe, salıqaly saıası reforma nátıje berdi, Prezıdent Joldaýynan beri úsh jyldyń ishinde irgeli ózgerister jasaldy.
«Ulttyq qordan balalar bolashaǵy úshin qarjy salýdy aldymen ózderiniń jeke baılyqtaryn kóbeıtýdi oılaǵan burynǵy bılik eshqashan bolýy múmkin emesteı kórsetetin. Al qazir bári de múmkin bolyp, ár balanyń esepshotyna alǵashqy salymdar túsip jatyr», degen depýtat sóılegen sózinde jalpyhalyqtyq referendým, Parlament yqpalynyń artýy, Úkimet jaýapkershiligi, Konstıtýsııalyq sottyń qurylýy, jańarǵan aýyl ákimderi t.b. týraly tilge tıek etti.
Q.Isa jas urpaqqa patrıottyq tárbıe berý boıynsha tamyrymyzdyń tereńdigin, tarıhymyzdyń kemeldigin kórsetetin iri is-sharaǵa toqtaldy.
«Qazaq handarynyń babasy, Altyn Ordanyń atasy Joshy han qurǵan, Ulyq Ulystyń negizi qalanǵanyna 800 jyl tolýyn merekeleý ulttyq rýhymyzdy kóterip ketken eldik mańyzy erekshe zor rýhanı serpilis boldy. Álemdegi jer kólemi jaǵynan eń úlken, qýaty jaǵynan eń kúshti jáne eń uzaq jasaǵan alyp ımperııa Altyn Ordanyń naǵyz murageri - Aqordaly Qazaq Eli!», dedi depýtat.
Depýtat sóılegen sózinde Joshy hanǵa Ulytaýda, Alash kósemderine elordadan bastap, kóptegen qalalarda asqaqtaǵan eskertkishter ornap jatqanyn, bul isterdiń barlyǵy Memleket basshysy Qasym-Jomart Kemelulynyń tikeleı pármenimen iske asyrylǵanyn atap ótti.
Qazybek Isanyń pikirinshe, Ulttyq damýdyń negizi – ulttyq ıdeologııada jatyr.
«Tarıhtan belgili, qandaı el bolsa da, Ulttyq ıdeıa bolmasa, damýy qarqyndy bolmaıdy! Keshe ótken Ulttyq Quryltaıda memleket basshysy tapsyrǵan memlekettiń ishki saıasat tujyrymdasyn jasaýdy tapsyrýy – Ulttyq ıdeologııanyń bastamasy ekeni anyq. Qazaqstannyń Ulttyq ıdeologııalyq konsepsııasyn jasaǵan partııa retinde «Aq jol» ishki saıasat tujyrymdamasyn jasaýǵa óz úlesin qosa alady», degen depýtattyń aıtýynsha, Ulttyq biregeılikke bastaıtyn Ulttyq ıdeologııanyń negizi – memlekettik til! Memleket basshysy Q.Toqaev: «Qazaq tili – ulttyq biregeıligimizdiń nyshany. El birligin nyǵaıta túsetin basty qundylyǵymyz!» dep, atap kórsetkendeı, biregeı ultqa aınalýda memlekettik tildiń mereıi artýyn iske asyrýǵa bárimiz óz úlesimizdi qosýǵa tıispiz.
Sonymen qosa, depýtat Qazybek Isa jer qoınaýy - halyq menshigi ekenin, 2022 jyly jańadan ashylǵan Abaı, Ulytaý, Jetisý oblystary damyp kele jatqanyn, «Túrkistan qalasynyń erekshe mártebesi týraly» qabyldanǵan zań týraly jáne Ulttyq quryltaı týraly aıtty.
«Memleket basshysynyń bastamasymen qurylǵan, bıyl tórtinshi ret ótip, tórt qubylamyzdy túgendep jatqan Ulttyq quryltaı jalpyulttyq dıalog alańyna aınaldy. Ulttyq Quryltaı - Qazaq tarıhyndaǵy eldiń eń mańyzdy máseleleri sheshiletin uly jıyn - Quryltaıdyń búgingi jańa zamanǵa saı jańǵyrǵan úlgisi», dedi depýtat Qazybek Isa.
