Bankke osydan eki kún buryn ótinish bergen jas maman búgin eki bólmeli páterdiń qujatyn qolyna aldy. Danııar óz páterin jańa salynyp jatqan záýlim úılerdiń birinen tańdaǵan. Bul úıde qazir árleý jumystary júrip jatyr. Páterdi bastan-aıaq qurylys kompanııasynyń ózi árlep, kirýge daıyn etip beredi.
«Qýanyshymdy sózben aıtyp jetkizý múmkin emes. Osyǵan deıin anam ekeýmiz páter jaldap turyp keldik. Endi basymda úıim bar. Ásirese, anamnyń qýanǵanyn kórseńiz. Bul – meniń jeke ómirimdegi úlken qadam, umytylmas sátterdiń biri. Endi keleshektiń qamyn jasap, otbasyn qurý jaǵyn oılastyra bersem bolady», deıdi jas maman.
«Naýryz jumysker» baǵdarlamasy jumysshy mamandarǵa memleket tarapynan jasalyp jatqan naqty qoldaý, úlken qamqorlyq ekeni daýsyz. Baǵdarlamaǵa qatysýshylarǵa turǵyn úı tańdaýǵa alty aı ýaqyt beriledi. Bastapqy jarnanyń kólemi – baspana baǵasynyń 10% paıyzy. Alaıda bul 2 mıllıon teńgeden kem bolmaýy tıis.
Atalǵan baǵdarlama iske qosylǵan alǵashqy úsh kúnniń ishinde «Otbasy Banki» 31 mlrd teńgege 1 094 ótinish qabyldaǵan. Baǵdarlamaǵa qatysýshylardyń ortasha jas mólsheri otyz birde. Nesıe alýshylardyń eń jasy – endi ǵana eńbek jolyn bastaǵan on toǵyzdaǵy jastar.
«Eń bastysy, baǵdarlama shynymen de jumys isteıdi. Iаǵnı, jas mamandar tıimdi baǵamenturǵyn úı satyp ala alady. Qurylys kompanııalary da turǵyndar kútip qalmaıtyndaı tolyq árlengen ári taza páterlerdi usynýǵa daıynotyr. Memleket basshysy 2025 jyldy jumysshy mamandyqtarynyń jyly dep jarııalaǵany belgili. Osyǵan oraı elimizde jumysshylardyń ómir súrý sapasyn jaqsartýǵa baǵyttalǵan naqty sheshimder qabyldanyp, iske asyrylyp jatyr. Muny zaýyttar men kásiporyndar da qoldap otyr. Al atalǵan memlekettik baǵdarla jas mamandardyń baspanaly bolýyna kómektesedi», deıdi «Otbasy banki» basqarma tóraǵasynyń orynbasary Nurlan Aqshanov.
