22 naýryz – Dúnıejúzilik sý kúni men 26 naýryz – Aral teńizi kúnine oraı uıymdastyrylǵan is-sharada klýb jetekshisi, «Elektr energetıkasy, tehnosferalyq qaýipsizdik jáne ekologııa» bilim berý baǵdarlamasynyń aǵa oqytýshysy Svetlana Qojamberdıeva klýb múshelerine sý ekologııasy men resýrstaryn tıimdi basqarýdyń mańyzdylyǵyn aıtty.
«Qazir Araldy qutqarý baǵytynda josparly túrde ǵylymı jumystar júrgizilip jatqany belgili. Álem nazaryndaǵy aıdyndy saqtap qalý úshin jastardy ekologııalyq máselelerdi sheshýde ǵylymı zertteýler júrgizýge, jalpy qorshaǵan ortany qorǵaýǵa baýlý basty mindetimiz»,– dedi jetekshi.
Stýdentterdiń qorshaǵan ortaǵa kózqarasyn qalyptastyryp, ekologııalyq mádenıetti damytýǵa baýlıtyn klýb músheleriniń zertteý jumystaryn júrgizip, is-sharalar uıymdastyrýy úshin jańǵyrtýdan ótken dárishana paıdalanýǵa berilip otyr.
Klýbtyń ashylýyna oraı uıymdastyrylǵan is-sharada qaldyqtardy qaıta óńdeý, sý men energııany únemdeý, tabıǵat resýrstaryn saqtaýǵa baǵyttalǵan kórme qoıyldy.
