Foto: egemen.kz/ Erlan Omar
Oqý-aǵartý mınıstrliginiń habarlaýynsha, bıyl naýryz aıynan bastap pılottyq jobaǵa Semeı, О́skemen, Jezqazǵan, Qaraǵandy qalalary, sondaı-aq Baızaq jáne Saryaǵash aýdandary qosylǵan.
«Bul mehanızm memlekettik qyzmetterdi ashyq jáne tıimdi kórsetýge, jáne mektepke deıingi uıymdar arasynda memlekettik tapsyrysty bólýge baǵyttalǵan. Jańa júıeniń negizgi artyqshylyǵy - balabaqshalar arasyndaǵy salaýatty básekelestik jáne ata – analarǵa arnalǵan bilim berý mekemesin tańdaý erkindigi esebinen qyzmet kórsetý sapasyn arttyryp jatyr», dedi Mektepke deıingi bilim departamentiniń dırektory Manara Adamova.
Mınıstrlik málimetinshe, vaýcherlik qarjylandyrýdy pılottyq joba retinde iske asyrý arqyly Taraz qalasynyń balabaqshalaryna kezek 12 esege – 24 myńnan 2 myńǵa deıin, al Túrkistanda – 5 esege-850-den 169-ǵa deıin qysqarǵan.
Joba jyl sońyna deıin basqa óńirlerde de júzege asyrylady.
