Sol jyldary túsirilgen fılmder qatarynda – «Dva boısa», «Jdı menıa», «Lenıngradsy», «Partızany», «Batyry stepeı», «Syn boısa» jáne basqa da týyndylar bar. Fılmderge Mıhaıl Jarov, Lıýbov Orlova, Nıkolaı Cherkasov, Marına Ladynına sekildi áıgili akterler qatysty.
«Soǵys jyldary Qazaqstan mádenıeti úshin ósý men órleýdiń jańa kókjıekterin ashty. El ishin sharpyǵan buryn-sońdy bolmaǵan patrıottyq rýh pen bıik maqsat – qazaqtyń beıneleý jáne mýzyka óneriniń, teatry men kınosynyń, poezııasy men ádebıetiniń kelbeti men mazmunyn qalyptastyrǵan basty faktorlarǵa aınaldy. Árıne, biz – búgingi urpaq – osynyń bárin baǵalap, qazirgi ulttyq mádenıetimizdiń qalyptasýyna aparatyn biregeı tarıhı kezeń retinde qabyldaýymyz qajet», dedi A. Balaeva.
Aıta ketsek, 1943 jyly «Qazaqfılmde» rejısser Efım Aronnyń «Belaıa roza» atty fılmi túsirilip, sol fılmde jaraly ofıserdiń rólin Sháken Aımanov somdaǵan. Búginde «Qazaqfılm» stýdııasyna osy ańyz adam – akter ári rejısser Sháken Aımanovtyń esimi berilgeni málim. Almatyda evakýasııada júrgen kezinde Sergeı Eızenshteın «Ivan Groznyı» fılminiń birinshi bólimin aıaqtaǵan eken.
Konferensııa qatysýshylary Reseı men Qazaqstan kınematografısteriniń soǵys jyldaryndaǵy yntymaqtastyǵy bolashaqtaǵy birlesken jobalarǵa negiz bolǵanyn atap ótti.
Aıta ketelik, is-sharaǵa QR Prezıdenti Ákimshiliginiń Ishki saıasat bóliminiń meńgerýshisi Abzal Núkenov, Reseı Federasııasy Prezıdentiniń shet eldermen aımaqaralyq jáne mádenı baılanystar jónindegi basqarmasy basshysynyń orynbasary Anton Rybakov, RF-nyń Jastar isi jónindegi federaldyq agenttigi basshysy Grıgorıı Gýrov, eki eldiń ǵalymdary, sarapshylary jáne belsendi jastar qatysty.
