Foto: Ashyq derekkóz
Budan bólek, 2023 jyldyń basynda elde 200-den astam jańa dinı nysannyń qurylysy júrip jatqany belgili bolǵan. Jergilikti ákimdikter men ózin-ózi basqarý organdaryna mundaı qurylystarǵa qatysty kómek suraǵan ótinishter kún saıyn túsip jatyr.
Alaıda bılik ókilderi bul nysandardyń halyqtyń naqty dinı qajettiligine saı salynyp jatpaǵanyn alǵa tartqan. Keıbir eldimekenderde onǵa jýyq meshit nemese ózge de dinı ǵımarattar bir-birine tym jaqyn ornalasqan.
Osyǵan baılanysty Qyrǵyzstan Mınıstrler kabıneti dinı nysandardy salý barysynda naqty araqashyqtyq standarttaryn usyndy.
Jańa talaptarǵa saı:
- Aýyldyq jerlerde dinı ǵımarattar arasyndaǵy qashyqtyq keminde 2 km bolýy tıis;
- Aýdandyq deńgeıde — 3 km;
- Qalalarda — 4 km-den jaqyn bolmaýy kerek.
Bul ózgerister dinı ınfraqurylymdy retke keltirý jáne birqatar áleýmettik shıelenisterdiń aldyn alý maqsatynda qolǵa alynǵan.
Aıta keteıik, buǵan deıin Qyrǵyzstan prezıdenti Sadyr Japarov áıelderdiń tumshalanyp kıinýine tyıym salatyn jarlyqqa qol qoıǵan edi.
