QQS mólsherlemesin arttyrý esebinen munaı kiristerine táýeldilikti azaıtýǵa, Ulttyq qordaǵy jınaqtardy turaqtandyrýǵa jáne azamattardyń ómir súrý sapasyn arttyratyn basym jobalardy qarjylandyrýǵa bolady.
«QQS-men baılanysty salyq reformasy máselesi erekshe nazar aýdarýdy talap etedi. Bazalyq mólsherleme – 16%. Nelikten? Sebebi QQS – respýblıkalyq bıýdjettiń eń úlken kiris kózi. Qosymsha túsimder shamamen 3 trln teńge dep boljanýda. Bul joldarǵa, mektepterge, aýrýhanalarǵa, ınfraqurylym men qorǵanysqa jáne damýǵa arnalǵan aqsha», dedi Májilistiń jalpy otyrysynda jańa Salyq kodeksiniń jobasyn birinshi oqylymda talqylaý kezinde Premer-mınıstrdiń orynbasary – ulttyq ekonomıka mınıstri Serik Jumanǵarın.
QQS mólsherlemesin 16%-ǵa deıin arttyrý munaıdan túsetin kiristerge táýeldilikti azaıtýǵa, Ulttyq qordaǵy jınaqtardy turaqtandyrýǵa, azamattardyń turmys sapasyn arttyratyn basym jobalardy qarjylandyrýǵa múmkindik beredi. Degenmen, bıznes degenimiz – ol adamdar, kompanııalar jáne taǵdyrlar ekenin túsine kele, saralanǵan mólsherlemeler engizilýde. Qazir sharýa qojalyqtary QQS tólemeıdi, al zańdy tulǵalar – aýyl sharýashylyǵy óndirýshileri QQS-ty 30% mólsherinde tóleıdi. Bul jańa Salyq kodeksinde saqtalady. Bul rette QQS-tyń taǵy eki mólsherlemesi kózdelýde – medısına salasy úshin – 10% jáne eksport pen jeńildigi bar sanattar úshin – 0%.
