Fotolar: primeminister.kz
Búginde Qyzylorda qalasy – ortalyqtandyrylǵan ystyq sýmen jabdyqtaý júıesi joq respýblıkadaǵy jalǵyz oblys ortalyǵy. Qaladaǵy kópqabatty úıler elektr nemese gazben jylytý qurylǵylary arqyly ystyq sýmen qamtamasyz etiledi. Bul óz kezeginde tótenshe jaǵdaılarǵa ákelýi múmkin.
Memleket basshysy 2023 jylǵy 10 qazanda óńirge jasaǵan jumys sapary barysynda qalany 2025 jyldyń sońyna deıin ortalyqtandyrylǵan ystyq sýmen jabdyqtaý júıesimen qamtamasyz etý máselesin sheshýdi tapsyrǵan bolatyn.
Jalpy quny 26,2 mlrd teńgeni quraıtyn tıisti jobany eki kezeń boıynsha júzege asyrý josparlanǵan. Birinshi kezeńde – 2024 jyly 187 turǵyn úıdi sý júıesimen qamtý jumystary bastalsa, ekinshi kezeńde – bıyl 236 turǵyn úı sý júıesine qosylady. 2024 jyly birinshi kezeńge Úkimet rezervinen 11 mlrd teńgeden astam qarajat baǵyttalǵan. Atalǵan qaýly negizinde Úkimet rezervinen bólingen 5 mlrd teńge bıyl ekinshi kezeńniń birinshi kezektegi jumystary úshin paıdalanylady.
Osylaısha, jobany júzege asyrý nátıjesinde Qyzylorda qalasynyń 423 kóp qabatty turǵyn úıi ortalyqtandyrylǵan ystyq sýmen jabdyqtaý júıesine qosylady.
