Prezıdent • 11 Sáýir, 2025

Qasym-Jomart Toqaev «Shymkent City» saıabaǵyn aralap kórdi

70 ret

kórsetildi

1 mın

oqý úshin

Qasym-Jomart Toqaev «Shymkent City» shaǵyn aýdanyna jaqyn mańdaǵy jańa saıabaqqa bardy. Aýmaǵy 20 gektardan asatyn parkte seıildeýge jáne mádenı-kópshilik is-sharalar ótkizýge barlyq jaǵdaı jasalǵan. Sýburqaqty jasandy toǵan, amfıteatr, landshaftty alleıalar, vorkaýt jáne skeıt alańdary bar, dep habarlaıdy Egemen.kz Aqordanyń baspasóz qyzmetine silteme jasap.

Qyrmyzy JUMAǴALIQYZY

Qasym-Jomart Toqaev «Shymkent City» saıabaǵyn aralap kórdi

Foto: Aqorda

Ekologııalyq jaǵdaıdy jaqsartyp, qala turǵyndaryna qolaıly orta qalyptastyrý úshin aldaǵy jyldary 1 mıllıon túpten astam aǵash kósheti otyrǵyzylmaq. Shahardaǵy 12 saıabaqty abattandyrý, sondaı-aq gúlzarlardy, Qoshqar ata ózeniniń jaǵalaýy men aryqtardy tazalaý jumystary júrgizilip jatyr. Burynǵy qoqys polıgonynyń ornynda Ekopark qurylysy qolǵa alyndy.

Budan bólek, Prezıdentke qytaılyq Shaanxi Construction Engineering kompanııasy usynǵan qoqys órteý zaýytynyń jobasy tanystyryldy. Zaýyt táýligine 1 myń tonnaǵa deıingi qatty turmystyq qaldyqtardy qaıta óńdep, elektr energııasyn óndire alady.