«Qazaqstandyq qoǵamdyq damý ınstıtýty» KeAQ basqarmasynyń tóraǵasy Nurbek Mátjanıdiń aıtýynsha, 2400 adamǵa face to face saýalnamasynda negizgi kórsetkishter boıynsha, onyń ishinde QR Prezıdenti men Úkimettiń bastamalaryn qoldaý boıynsha suraqtar qoıylady. Ortalyq kommýnıkasııalar qyzmetiniń podkastynda QQDI basshysy birqatar nátıjelerge toqtaldy. Respondentterdiń basym bóligi, ıaǵnı 80,2% Prezıdent Qasym-Jomart Toqaevqa senim bildirgen. Saýalnamaǵa qatysýshylardyń Memleket basshysyna ne sebepti senetini týraly eń jıi aıtqan jaýaptary: sheteldermen arada janjal bolmaýy, kemel saıasat júrgizýi, jańa baǵdarlamalardy júzege asyrýy, ómir súrý sapasyn jaqsartý, eldegi turaqtylyq.
«Sonymen qatar, respondentterdiń kóbi, ıaǵnı 80,7% qazirgi Prezıdenttiń qyzmetin qoldaıtynyn aıtyp, myna bastamalardy eń sátti dep eseptegen. Bul «Ulttyq qor – balalarǵa» jobasy, 2025 jylǵy 1 qańtardan bastap zeınetaqyny kóterý, stýdentterdiń shákirtaqysyn arttyrý, 2025 jyldy jumysshy mamandyqtar jyly dep jarııalaý jáne «Keleshek» memlekettik bilim berý jınaqtaý júıesi», - dedi Nurbek Matjanı.
QQDI Úkimettiń jumysyna da baılanysty saýalnama júrgizedi. Zertteý qorytyndysy boıynsha Úkimetke degen qoldaý óte joǵary.
«Bizdiń saýalnamamyzǵa sáıkes QR Úkimetine degen qoǵamnyń senim deńgeıi 71,7%. Respondentterdiń 84,8 % kóńil kúıleriniń jaqsy ekenin kórsetken. Eldegi jaǵdaıdy 75,1% turaqty, ári jaıly dep sıpattaǵan», - dedi spıker.
