Jezqazǵan – Ulytaý óńiriniń ken baılyqtaryn barlaý jáne geologııalyq taldaýda Qanysh Imantaıulynyń eńbegi orasan zor.
Ol 1932 jyly 4800 metr tereńdiktegi 1,5 sharshy shaqyrym jerde ǵana 2 mln tonna mys qorynyń jatqanyn dáleldegen. Barlaý barysynda mystan basqa da paıdaly qazba túrleri – altyn, kúmis, marganes, renıı, osmıı, platına baryn zerttep bilgen.
Ulytaý óńirinen etnografııalyq muralar jınap, «Jezqazǵan aýdanyndaǵy kóne zaman eskertkishteri» atty eńbegin jazǵan.
Jezqazǵan qalasyndaǵy oblystyq tarıhı-arheologııalyq mýzeıde bolǵanda birtýar Qanyshtyń da úlesi bar taý jynystary, ken jáne mıneraldardan turatyn geologııalyq kolleksııanyń kýási boldyq.
Mýzeıde Qanysh Sátbaevqa arnalǵan «Qazaqtyń birtýar perzenti» dep atalǵan arnaıy buryshta ǵulamanyń qyzmet jolyndaǵy sýretteri, qundy qujattary, tańdaýly eńbekteri qoıylǵan. Bizdiń nazarymyzdy aýdarǵan – Qanysh Sátbaev taqqan galstýk boldy.
1964 jyly ǵalym dúnıe salǵannan keıin áıeli Taısa Alekseevna geolog, eńbek ardageri, Sátbaev kentinde turatyn Nurmanbek Serdalınovke estelikke Qanysh taqqan qara-kók, aq jolaqty galstýgi men 2 tomdyq eńbegin tabystaıdy. Zeınetker Nurmanbek Serdalınov jıyrma jyldan keıin, ıaǵnı 1983 jyly galstýkti mýzeıge tapsyrady.
Qanysh esimi, eńbegi máńgi el jadynda. Búgingi tańda Qanysh Sátbaev atyndaǵy qala, joǵary oqý oryndaryn aıtpaǵanda, onyń esimimen atalatyn júzdegen kóshe, 40-tan astam mektep, ǵalymǵa qoıylǵan eskertkishter bar.
Ulytaý oblysy
