«Samuryq-Qazyna» ǵylymı jobalardy qarjylandyrý arqyly óndiristiń tıimdiligin arttyrady

«Samuryq-Qazynanyń» bas­qarma tóraǵasy Nurlan Ja­qypovtyń aıtýynsha, 2024 jyly Qordyń kompanııalary tobyna ınnovasııalar men teh­nologııalyq sheshimderdi jedel engizý maqsatynda jańa ǵylymı-tehnıkalyq saıa­sat qabyldanǵan. Osylaısha, ǵyly­mı jobalardy zertteý, irikteý, olardy óndiriske engizý úshin qarjylandyrý jumystary qolǵa alyndy.

Byltyr «Samuryq-Qazyna» tobyna kiretin kompanııa­lar ǵylymı-zertteý jáne táji­rıbelik-konstrýktorlyq ju­mystardy qarjylandyrýǵa 11,9 mlrd teńge bólgen. Onyń ishinde 7,7 mlrd teńgeden astam qarajat ǵylymı-tehnıkalyq qyzmettiń Biryńǵaı operatory – «Samǵaý» ortalyǵyna baǵyttaldy.

2024 jyldyń sońyna qaraı ǵylymı jobalardy qar­jy­landyrý boıynsha 4 shart jasalyp, olar bıyl aıaqtalady dep josparlanyp otyr. Taǵy 24 joba maquldanyp, irik­teý­diń kelesi kezeńi boıynsha qa­rastyrylyp jatyr.

Boljam boıynsha, 2,8 mıl­lıard teńgege iske asyrylyp jatqan 4 jobanyń eko­no­mı­kalyq tıimdiligi aldaǵy 5 jylda 196 mlrd teńge bolmaq. Bul atalǵan jobalardy iske asyrý qunynan 70 ese artyq. Demek paıdasy ushan-teńiz.

Mysaly, osyndaı joba­lardyń biri – «Qara­janbas­munaı» kompanııasynyń jer qoı­naýyn qaýipsiz ári ekolo­gııalyq barlaýǵa arnalǵan jobasy. Impýlstik seısmıkalyq barlaý tehnologııasy munaıdyń qosymsha qoryn anyqtaýǵa jáne «Qarajanbasmunaı» ken ornynda óndiriletin munaı qoryn 2 mln tonnaǵa deıin arttyrýǵa múmkindik beredi.

Al «KEGOC» kompa­nııa­synyń basshysy Nábı Aıt­ja­novtyń aıtýynsha, sońǵy 5 jylda atalǵan uıym 8 ǵy­lymı-zertteý jáne tájirı­belik-konstrýktorlyq jobany iske asyrǵan jáne olar­dyń kóbi grant esebinen qarjy­lan­dyrylǵan. Kompanııa jyl saıyn ǵylymı-tehnıkalyq sheshimdi talap etetin tehno­logııalyq tapsyrmalardy anyq­tap, olardy sheshý jolda­ryn qarastyrady.

«Qazatomónerkásip» 2023 jyly jalpy quny 6,6 mlrd teńgege 51 jobany júzege asyrǵan. Bul týraly uıym bas­shysy Meıirjan Iýsýpov málimdedi. Aıaqtalǵan joba­lar­dyń qatarynda – jóndeý-qal­pyna keltirý jumystarynda ftorsýtekti qyshqyldy paıdalaný tehnologııasy, ammıakty súzý júıesi, Iirkól kenishiniń jumysynda robottandyrylǵan sheshimderdi qoldaný sııaqty jobalar bar.

Al Qyzylorda oblysynda­ǵy «Aqshabulaq» ken ornynda ilespe gazdy qaıta óńdeýge arnal­ǵan keshendi ınnovasııalyq sheshim ázirlendi. Nátıjesinde, jeńil kómirsýtekterdi, onyń ishinde sapaly propan-býtandy bólip alýǵa múmkindik beretin tehnologııanyń arqasynda ilespe gazdy qaıta óńdeý kórsetkishi 33%-ǵa artty. Bul joba jergilikti óndiristi damy­typ, ımportty almastyrý má­selesin de sheshýge yqpal etedi.

2025 jyly «Samǵaý» or­talyǵy Ǵylym jáne joǵary bilim mınıstrligimen ynty­maqtastyqty jalǵastyrmaq jáne birlesip tehnologııalyq sessııalar ótkizýdi josparlap otyr. Sonymen qatar «Samruk Business Academy» uıymymen birge qyzmetkerlerdiń ǵylymı baǵyttaǵy biliktilikterin arttyrý maqsatynda arnaıy kýrstar uıymdastyrady.

Jıyn sońynda «Samu­ryq-Qazyna» bas­shysy Nurlan Jaqypov Qor kompa­nııa­la­ryndaǵy barlyq ǵylymı qyz­met­kerlerdi aıtýly merekemen quttyqtap, ǵylym men ón­diristiń ózara baılanysyn ári qaraı damytý jumystaryna belsendi túrde atsalysýdy tapsyrdy.