Olardyń qatarynda qarapaıym preparattarmen qatar bir qaptamasynyń quny 34 mıllıon teńgege deıin jetetin joǵary baǵaly dáriler de bar. Bul týraly medısınalyq saqtandyrý qorynyń Almaty qalalyq fılıalynyń dırektory Ilııas Muhamedjan óńirlik kommýnıkasııalar qyzmetinde ótken baspasóz konferensııasynda málimdedi.
«Almatylyqtarǵa parasetamol sııaqty qarapaıym preparattarmen qatar, julynnyń bulshyqet atrofııasy sııaqty aýyr aýrýlarǵa arnalǵan ómirlik mańyzdy dári-dármekter de berildi», – dedi Ilııas Muhamedjan.
Sonymen qatar, qormen stomatologııalyq qyzmetterge 3 mlrd teńge tólendi. Onyń ishinde, jaq-súıek keselimen týǵan balalarǵa arnalǵan ortodonttyq kómek te bar.
Spıkerdiń aıtýynsha, halyqtan kelip túsken ótinishtermen de belsendi jumys júrgizilýde. 2024 jyly almatylyqtardan Qoldau 24/7 mobıldi qosymshasy, msqory.kz saıty jáne 1414 baılanys ortalyǵy arqyly 13 033 ótinish kelip túsken.
«О́tinishter arasynda medısına qyzmetkerlerine alǵys bildirgen hattar da, shaǵymdar men konsýltasııalyq sıpattaǵy suraqtar da bar. 2025 jyldyń birinshi toqsanynda ótinishter sany ótken jyldyń sáıkes kezeńimen salystyrǵanda 23%-ǵa azaıyp, júıeniń jumysyndaǵy jaqsartýlardy kórsetti», – dep atap ótti Ilııas Muhamedjan.
Ol qordyń medısınalyq uıymdarmen jáne pasıentterdi qoldaý qyzmetterimen birlesip, máselelerdi «osynda jáne qazir» sheshý úshin yntymaqtastyqty jalǵastyryp jatqanyn atap ótti.
