Foto: qarmaqshy-tany.kz
Sanıtarııalyq-epıdemıologııalyq baqylaý departamenti basshysynyń aıtýynsha, kenelerge qarsy baqylaý entomologııalyq ádistermen de júrgizilmek. Epıdemııa maýsymynyń basynda mamandar adamdardan alynǵan 34 kene úlgisin zerttegende, bir keneden ensefalıt antıgeni tabylǵan.
«Kene shaǵyp almaý úshin biz almatylyqtarǵa tabıǵat aıasyna shyqqan kezde jabyq kıinip, repellentter qoldanyp, serýennen keıin ózderin, jeke zattaryn muqııat tekserýge keńes beremiz. Kene shaǵyp alsa, tórt kúnnen keshiktirmeı medısınalyq kómekke júginý mańyzdy», deıdi Ásel Qalyqova.
Sondaı-aq, maman qalada qosymsha vaksınasııa, Densaýlyq saqtaý basqarmasynyń qoımasynda belgııalyq TicoVac vaksınasynyń 11 447 dozasy bar ekendigin eske saldy. Bastapqy kýrs úsh dozadan turady, biraq qysta egýge úlgermegender úshin shuǵyl shema qarastyrylǵan.
Halyqty kene ensefalıtinen qorǵaýǵa baǵyttalǵan kenege qarsy aýqymdy is-sharalar týraly Almaty qalalyq dezınfeksııa ortalyǵynyń dırektory Aınur Aqqoshqarova baıandaı kele, bıylǵy óńdeý jumystary eki satydan turatynyn, kenege qarsy 144 152 000 teńge bólinse, bir týrǵa 72 mıllıon teńge jumsalatynyn habarlady.
Aınur Aqqoshqarova bıyl jańa «Sıpertrın» preparaty qoldanylatynyn da atap aıtty. Gektaryna 0,75 lıtr tutyný normasymen 3 579,6 lıtr kóleminde preparat satyp alyndy. Keneler bir dárige úırenip ketpeý úshin boldyrmaý úshin ol jyl saıyn jańartylyp otyrady. Mysaly, 2023 jyly «Favorıt V.K. E.», 2024 jyly «Delteks» qoldanyldy.
«О́ńdeý jumystaryn arnaıy daıyndyqtan ótken dezınstrýktorlar men dezınfektorlar júrgizedi. Barlyq mamandar turaqty nusqaýlyqtan ótip, qajetti asaı-múseımen tolyq qamtamasyz etilgen», – deıdi ortalyq dırektory.
Qazirgi tańda Almaty qalalyq dezınfeksııa ortalyǵynyń qaramaǵynda ystyq jáne sýyq tuman termogeneratorlarymen, gıdropýlttermen, «Fazenda» búrikkishterimen, sondaı-aq avtokóliktermen jabdyqtalǵan eki mobıldi brıgada bar. 2025 jyly úsh jańa jabdyq, bes myńnan astam jeke qorǵanys quraldary satyp alynǵan.
ALMATY
