Osy ýaqyt aralyǵynda otandyq óndirýshiler shyǵarǵan 70 mıllıonnan astam dári-dármek aınalymǵa engizilgen.
«Densaýlyq saqtaý mınıstrliginiń, medısınalyq uıymdardyń jáne dárihanalardyń negizgi aqparattyq júıelerine dárilik aınalymynyń barlyq qatysýshylardyń ıntegrasııasy aıaqtaldy. Qazirgi ýaqytta júıede 19 otandyq óndirýshi, 130-dan astam sheteldik kompanııa, 100 ımporttaýshy, 200-den astam dıstrıbıýtor men dárihanalyq qoımalar, 3 172 dárihana jáne 1 789 medısınalyq uıym jumys isteıdi», - deıdi Tanba biryńǵaı tańbalaý operatorynyń bas dırektory Bıkesh Qurmanǵalıeva
Qazirgi tańda elimizde dárihanalardyń tańbalanǵan dári-dármektermen jumystaryn jeńildetý maqsatynda ázirlengen NS Pharm mobıldi qosymshasynyń iske qosylýyna arnaıy nazar aýdarylyp otyr.
Barlyq dárilik zattardy mindetti túrde tańbalaý Qazaqstan farmasevtıkalyq naryǵynda dári-dármekterdiń aınalymyn baqylaýdy jaqsartý jáne qaýipsizdigin arttyrý maqsatynda engizildi. Bul júıe óndirýshiden sońǵy tutynýshyǵa deıingi qozǵalysyn baqylaýǵa múmkindik berip, jalǵan nemese sertıfıkattalmaǵan dárilerdiń taralýyn toqtatýǵa yqpal etedi.
Qazaqstanda mindetti tańbalaýǵa úsh taýar toby jatady: aıaq kıim, temeki buıymdary jáne dári-dármekter. Motor maılary, syra ónimderi, zergerlik buıymdar tańbalaýdy pılottyq rejımde synaqtan ótkizip jatsa, bıylǵy 28 naýryzdan bastap tizimge bıologııalyq belsendi qospalar (BBQ) da engizildi.
