Kollajdy jasaǵan Qonysbaı ShEJIMBAI, «EQ»
Darem ýnıversıtetiniń zertteýshisi Kellı Iаkýbovskı bul qubylysty «eriksiz mýzykalyq jad» dep túsindiredi. Iаǵnı adam án tyńdamasa da, mıy sol áýendi qaıtalaı beredi. Kóbine mundaı áýender – burynnan tanys, birneshe ret tyńdalǵan, sózi men yrǵaǵy qarapaıym, tez jattalatyn ánder bolady. Ánniń sanaǵa ornyǵyp qalýyna birneshe sebep bar. Birinshiden, qaıtalanatyn áýen – tez jattalady. Ekinshiden, ol án sizdiń kóńil kúıińizben úılesip tursa, mı ony baılanys retinde saqtap qoıady. Máselen, kóńilińiz kóterińki kezde tyńdaǵan ándi, jaıdarylanyp turǵanda aıtyp otyrasyz. Taǵy bir qyzyq jaıt – belgili bir sózben, adammen, oqıǵamen baılanysty ánder jıi eske túsedi. Osylaısha, mı ózi jaqsy kóretin ne úırenip qalǵan áýendi qaıta-qaıta eske túsirip otyrady. Máselen, «Saǵyndym Almatymdy» dep eriksiz yńyldap otyrsańyz, áldebireý esińizge túsken shyǵar. Mundaı sátterde án – jaı ǵana án emes, júrek tilin sóıletken estelik bolýy múmkin. Kalıfornııa ýnıversıtetiniń zertteýshisi Mett Evans bul qubylys adamnyń assosıatıvtik jadynyń jumysy ekenin aıtady. Ǵalymdar bul kúıden arylǵyńyz kelse, jańa án tyńdaý kerek deıdi. Sebebi jańa án sanadaǵy eski áýendi umyttyrady.
