Oqıǵa bylaı órbipti. Qalalyq aýrýhananyń mańyndaǵy qaraýsyz qalǵan eki qabatty ǵımarattan órt shyqqan. Ǵımarattyń ishindegi kepken aǵash, qaýsaǵan jıhaz, óliqaý janyp, tóńirekti qoıý tútin basqan eken. Terezeleriniń bári temir tormen tumshalaı jabylǵan. О́rt shyqqan jerdegi terezede temir tor joq eken.
Ǵımarattyń janynan ótip bara jatqan Ivanǵa áldebir balalar júgirip kelip, órt ishinde eki dosynyń qalyp qoıǵanyn aıtady. Jas jigit oılanbastan kómek kórsetýge umtylǵan. Jartylaı byqsyp janyp jatqan zilmaýyr dıvandy súıemqarys jyljytqanymen, odan ári jol ashýǵa qaýmeti jetpepti. Tóńiregine kóz salsa, abyroı bolǵanda eki polısııa qyzmetkeri ótip bara jatyr eken. Jan ushyryp solarǵa jetken. Mán-jaıdy túsindirgen. Az ýaqyttyń ishinde balalardy ajal aýzynan qutqarǵan. Ivan Mızınniń ózin órt sharpyǵanymen ómirine qaýip joq, esesine jas jigittiń kózsiz erligi batyldyq pen adamgershiliktiń jarqyn úlgisi.
