Fotolar: Qorǵanys mınıstrligi
Qaraǵandy oblysy Buqar Jyraý aýdany Sheshenqara kentinde bastalyp, óz áskerı bóliminde márege jetken marafonyn ol qaza tapqan maıdangerler men kózi tiri ardagerlerge arnap otyr.
Bólim basshylyǵy men komandaǵa qoldaýy úshin rahmet aıtqan Tımýr Erjanov júgirýmen kópten beri aınalysady eken. Máre syzyǵynda tańqalarlyqtaı sergek kóringen onyń aıtýynsha 80 shaqyrym ózine asa kúsh túsirmegen. Ol endi 200 shaqyrym júgirýdi josparlap otyr.
Qorǵanys mınıstrliginiń baspasóz qyzmetiniń málimdeýinshe 7 saǵat 21 mınýt 11 sekýndqa sozylǵan júgiris kezinde marafonshyǵa ár 10 shaqyrym saıyn aýysyp otyrǵan áriptesteri qoldaý kórsetti. Áıtse de T.Erjanov negizgi qashyqtyqty óz kúshine ǵana súıene otyryp eńserip shyqqan.
«Osy qashyqtyqty júgirý arqyly jigerli minezińizdi, jaýyngerlik rýh pen tózimdiligińizdi kórsettińiz. Siz sııaqty sarbazdarǵa úlgi bolatyn naǵyz patrıottar bar ekenin maqtan tutamyz», dep atap ótti 31775 áskerı bóliminiń komandıri podpolkovnık Marat Bralınov.
