Foto: Qaraǵandy oblysy PD baspasóz qyzmeti
«Qaraǵandy qalalyq polısııa departamenti bastyǵynyń orynbasary, polısııa polkovnıgi Bekjan Tóleýuly Qusaıynovtyń 53 jasynda kenetten qaıtys bolǵanyn qaıǵyryp habarlaımyz», delingen habarlamada.
PD ókilderiniń aıtýynsha, Bekjan Qusaıynov ómiriniń 30 jyldan astamyn Otanǵa qyzmet etýge, qoǵamdyq qaýipsizdikti qamtamasyz etýge jáne quqyq tártibin qorǵaýǵa arnaǵan. Eńbek jolyn 1992 jyly Qaraǵandy oblysy Qarqaraly aýdandyq ishki ister bóliminiń patrýldik-kúzet qyzmetinde polısııa qyzmetkeri bolyp bastaǵan. Ol osy jyldar ishinde Qaraǵandy qalalyq IID bastyǵynyń orynbasary laýazymyn qosa alǵanda jaýapty qyzmetterdi atqaryp, mansap satysynyń barlyq baspaldaqtaryn basyp ótti.
«Ol árqashan óziniń joǵary kásibı daıyndyǵymen, ózine jáne áriptesterine degen talapshyldyǵymen, adaldyǵymen, ádeptiligimen erekshelendi. Polısııa polkovnıgi Qusaıynov qyzmetke adal, antyna adal, shynshyl jáne janashyr tulǵa boldy», dep atap ótti polısııa.
Qaraǵandy oblysynyń polısııa departamentiniń basshylyǵy, ishki ister organdarynyń ardagerler keńesi jáne búkil jeke quram marqumnyń otbasy men jaqyndaryna shyn júrekten kóńil aıtady.
