Bul sanattaǵy básekege ár salmaqtaǵy álem reıtınginiń tańdaýly 32 karateshisi ǵana qatysady. Bul joly qorjynǵa 1 altyn, 1 kúmis medal tústi. Móldir Jańbyrbaı 50 kg deıingi salmaqta barlyq qarsylasyn aıqyn utyp chempıon atandy. Bul onyń bıylǵy dodadaǵy úshinshi medali. Buǵan deıin Premer-lıganyń Parıjdegi dodasynan – qola, Hanchjoýda kúmis medal enshilegen bolatyn.
Al Ásel Qanaı (61 kg) fınalda Ýkraına sportshysyna ese jiberip, kúmisti qanaǵat tutty. Ásel de qysta Parıjde kúmis, al Hanchjoýda qola júlde oljalaǵan edi. Quramadaǵy ózge sportshylar Aıjan Bákirova (61 kg), Sofıa Berýlseva (+68 kg) men Dıas Anarbekov (+84 kg) qola medal úshin tartysta ese jiberdi.
Osy altynnyń arqasynda Móldir jyldyń úzdik karateshisine beriletin Grand Winner syılyǵyna qol sozym jerde tur. Endi jyldyń sheshýshi Premer-lıga básekesi mamyrdyń aıaǵynda Marokkonyń Rabat qalasynda ótedi. Jańbyrbaı sol synda kem degende toptyq kezeńnen shyqsa, ekinshi jyl qatarynan atalǵan syılyqqa qol jetkizbek.
Mysyrdaǵy jahandyq dodaǵa 68 elden 383 sportshy kúsh synassa, elimizden 13 úzdik qatysty.
