Bul monografııa alǵash ret osydan 10 jyl buryn baspadan shyqqan edi. Jeńistiń 80 jyldyǵyna oraı tolyqtyrylyp, ekinshi ret basylǵan kitaptyń tusaýkeseri Juban Moldaǵalıev atyndaǵy oblystyq ortalyq ámbebap ǵylymı kitaphanada ótti.
Is-sharaǵa kitapqa engen batyr qyzdardyń urpaqtary, joǵary jáne arnaýly oqý oryndarynyń oqytýshylary men stýdentteri, qala mektepteriniń tarıh páni muǵalimderi, kitaphana oqyrmandary qatysty.
«Baqtyly Sansyzbaıqyzynyń bul kitaby qaıtadan óńdelip, tyń derektermen tolyqtyrylǵan eken. 1981 jyly Gýrev pedagogıkalyq ınstıtýtynda oqyp júrgen stýdent kezinen bastalǵan ǵylymı-zertteýshilik jumys tabany kúrekteı 44 jylǵa sozylypty. Aldyńǵy basylymda aıtylmaǵan qaharman qyzdardyń esimi men olardyń qan maıdandaǵy erligin dáripteý zertteýshiniń jankeshti eńbeginiń jemisi. Osyǵan deıin tarıhı eńbekter men gazet-jýrnaldarda jarııalanǵan dúnıelerdi hám arhıvterde shań basyp jatqan sarǵaıǵan qujattardy aqtaryp qana qoımaı, ǵalym tabanyn tozdyryp, tarıhty halyqtyń óz ishinen de izdegen. Halyqqa qyzmet kórsetý ortalyǵy qyzmetkerleriniń kómegimen batyr qyzdardyń urpaqtaryn izdegen. Nátıjesinde tynymsyz eńbek óz nátıjesin berdi» deıdi ǵalymnyń áriptesi, tarıh ǵylymdarynyń kandıdaty Jańabek Jaqsyǵalıev.
