Bul izgilikke toly is-shara aıasynda jastar tyl ardageri Aqan Ahatovanyń shańyraǵyna arnaıy baryp, qurmet kórsetti. Ardagerge alǵys aıtylyp, medısınalyq kómek kórsetildi. Sonymen qatar azyq-túlik sebeti men syı-sııapattar tabystaldy.
Aqan Ahatova sol bir zulmat jyldardy eske alyp, qazirgi beıbit zamannyń qadirin baǵalaýǵa shaqyrdy.
– Soǵys jyldarynda áıelder men balalar tańnan keshke deıin eńbekke jegildi. Kóp nárseden tarshylyq kórdik, biraq Otan úshin, eldiń amandyǵy úshin barymyzdy saldyq. Árbir maıdannan kelgen hat úmittiń sáýlesi edi. Al Jeńis týraly habar bar halyqtyń kóz jasymen qarsy alǵan qýanyshy boldy. Búgingi beıbit ómirge qarap, sol kúnder eske túsedi. Shúkir deımin. Qazir el tynysh, jastar bilim alyp, eńbek etip júr. Meniń armanym – osy beıbit kúnniń qadirin bilip, soǵys degen sózdi tek tarıhtan oqıtyn urpaq ósse deımin. Elge, jerge degen súıispenshilikterińizdi joǵaltpańyzdar. Birlikti baǵalańyzdar. Tek alǵa umtylyp, el ıgiligi úshin eńbek etińizder, – dedi tyl ardageri.
«Ardaǵym – ardagerim» bir kúndik aksııa emes, bul jas urpaqtyń jalǵastyra júrer jaqsy bir qadamy dep túsinsek te bolady.
– Sizderdiń eńbekterińiz – biz úshin tárbıe mektebi. Búgingi beıbit ómir súrip, bilim alyp, azat júrgenimiz – ardagerlerdiń arqasy. Munyń bári – sizder sııaqty aǵa býynnyń janqııar eńbeginiń jemisi. Jas urpaq sol tálimdi jalǵastyryp, elimizdiń bolashaǵy úshin adal eńbek etýge tıis. Sizderge degen qurmet árqashan ortaımaıdy, – dedi belsendi azamat Ersinbek О́rleýbek.
Abaı oblysy
