Foto: Ashyq derekkóz
Mamandardyń aıtýynsha, búgingi tańda Kaspıı teńiziniń deńgeıi 28,5 metrge deıin tómendegen. Bul teńiz ekojúıesi men teńiz sharýashylyǵy úshin asa qaýipti. Atalǵan máselege baılanysty 2024 jyly Kaspıı teńizi boıynsha Qazaq ǵylymı-zertteý ınstıtýty qurylǵan-dy. Alaıda, qazirgi kúnge deıin onyń qarjylandyrý máselesi sheshilmegen. Demek, atalǵan ınstıtýt óz jumysyn tolyqqandy bastaı almaı otyr.
«Biz Qarjy mınıstrligine 2025 jylǵa arnalǵan respýblıkalyq bıýdjetten 1,8 mlrd teńge bólý týraly ótinish joldadyq. Bul qarajat ınstıtýttyń jumysyn bastaýǵa qajet», deıdi Ekologııa jáne tabıǵı resýrstar vıse-mınıstri Mansur Oshurbaev.
Mınıstrliktiń dereginshe, kórsetilgen qarjy ınstıtýttyń aǵymdaǵy shyǵyndaryna, ǵımaratyn jóndeýge, qajetti qural-jabdyqtardy satyp alýǵa jumsalýǵa tıis.
«Qurylymnyń quqyqtyq qujattary ádilet organdaryna tirkeýge jiberildi. 2024 jyldyń 6 jeltoqsanynda Kaspıı teńizi ınstıtýty Ekologııa jáne tabıǵı resýrstar mınıstrliginiń qaramaǵyna berildi», deıdi Oshurbaev.
Instıtýttyń keńsesi Aqtaý qalasynda ornalasady. Instıtýt ákimshiligine Mańǵystaý oblysy ákimdigi jalpy aýmaǵy 1 640 sharshy metr bolatyn ǵımarat bólgen. Belgilengen jospar boıynsha onda 91 qyzmetker jumys istemek.
Vıse-mınıstrdiń aıtýynsha, qazirgi tańda Kaspıı teńiziniń Qazaqstan sektoryndaǵy qorǵalatyn aımaqtar boıynsha ekologııalyq kartasy ázirlenip jatyr. Bul karta munaıdyń tógilýiniń aldyn alý jáne onyń saldaryn joıý sharalaryn josparlaýǵa, bıoalýantúrlilikti saqtaý strategııasyn ázirleýge arnalǵan mańyzdy qural bolady dep kútiledi.
