Foto: Eńbek jáne halyqty áleýmettik qorǵaý mınıstrligi
Osy jyly qandastardyń jartysy (48,1%) Qytaıdan, 39,5% – О́zbekstannan, 5,8% – Túrikmenstannan, 2,5% – Monǵolııadan, 1,9% – Reseıden, 2,2% taǵy basqa elderden kelgen eken.
1 sáýirdegi jaǵdaı boıynsha eńbekke qabiletti jastaǵy etnıkalyq qonys aýdarýshylar sany 60,7%-dy, eńbekke qabiletti jastan kishi 31,1%-dy jáne zeınetkerler 8,2%-dy quraǵan. Bilim deńgeıi boıynsha 17,9%-y joǵary bilimdi, 27,8%-y orta kásibı bilimdi, 52,9%-y jalpy orta bilimdi, jáne 1,4% bilim joq.
Qandastardy qonystandyrý turǵysynda eńbek kúshi tapshy óńirler retinde Aqmola, Abaı, Qostanaı, Pavlodar, Atyraý, Batys, Shyǵys, Soltústik Qazaqstan oblystary anyqtalǵan.
Qandastar jalpy túrli óńirlerge qonystandy.
«Qonystandyrý óńirlerinde 2025 jylǵa arnalǵan qandastardy qabyldaý kvotasy 2 309 adamdy quraıdy. 2025 jylǵy 1 sáýirdegi jaǵdaı boıynsha qonystandyrý óńirlerine 642 qandas qonys aýdardy.
Joǵaryda atalǵan óńirlerde qonystanǵan qandastarǵa kóshýge sýbsıdııa túrinde memlekettik qoldaý sharalary usynylady – bir mezgilde otaǵasyna jáne otbasynyń árbir múshesine 70 AEK (275,2 myń teńge) mólsherinde; turǵyn úı jaldaýǵa jáne kommýnaldyq qyzmetterge aqy tóleýge – bir jyl ishinde 15-ten 30 AEK (59-den 118 myń teńgege deıin) mólsherinde.
Jyl basynan beri 147 qandasqa túrli qoldaý sharalary kórsetildi. Atap aıtqanda, 94 adam turaqty jumysqa ornalastyryldy», dep habarlandy Eńbek jáne halyqty áleýmettik qorǵaý mınıstrliginiń baspasóz qyzmetinen.
Sonymen qatar azamattardy soltústik óńirlerge qonys aýdarýǵa qatysatyn jumys berýshilerdi qoldaý boıynsha ınstıtýsıonaldyq sharalar qabyldanǵan. Turǵyn úı satyp alý, salý úshin nemese ıpotekalyq turǵyn úı qaryzdary boıynsha bastapqy jarnanyń bir bóligin jabý úshin ekonomıkalyq utqyrlyq sertıfıkaty turǵyn úı qunynyń 50%-y nemese bir otbasyna 4,56 mln teńgege deıin mólsherinde birjolǵy óteýsiz jáne qaıtarymsyz negizde engizildi.
