- Tekserý barysynda bul kompanııalardyń tek geologııalyq barlaý júrgizýge lısenzııalary bola tura, arnaıy tehnıka men óndiristik jabdyqtardy paıdalana otyryp, altyn quramdy kendi keń kólemde zańsyz óndirgeni anyqtaldy.
Júrgizilgen tintý sharalary barysynda 6 700 tonnadan astam altyn quramdy ken, 300 tonna suıyq ken (pýlpa), 120 tonna selıtra, sondaı-aq jarylǵysh zattar men detonatorlar tárkilendi. Sonymen qatar oqıǵa oryndarynan 45 birlik arnaıy tehnıka alyndy. Polısııaǵa 62 adam, onyń ishinde birneshe JShS dırektorlary men quryltaıshylary jetkizildi.
Anyqtalǵan zań buzýshylyqtar boıynsha quramynda baǵaly metaldar bar shıkizattyń zańsyz aınalymy faktileri boıynsha bes qylmystyq is tirkeldi. Memleketke asa iri kólemde zalal keltirilgeni anyqtaldy, - dedi IIM uıymdasqan qylmysqa qarsy kúres departamentiniń ókili Qýandyq Alpys.
