Adamdyq pen satqyndyq arasyndaǵy tańdaý

Qýǵyn-súrgin jyl­da­ryndaǵy halyqtyń bas­tan keshken qaı­ǵy-qasireti kórkem beınelengen spektakl kórermenin beıjaı qaldyrmaıdy. О́ıtkeni drama tarıhı shyndyqqa negiz­delgen. Basty keıipker Muhıden Tóleýbekov – ómirde bolǵan tulǵa. Ol – jalǵan jalamen «halyq jaýy» dep aıyptalyp, ólim jazasyna kesilgen azamattardyń biri. Alaıda qandy qyrǵyn júzege asqanda Muhıden jaralanyp, máıitter arasynda jasyrynyp aman qalady. Sol jerden Úmit esimdi jıeniniń úıine qansyrap jetip, bas saýǵalaıdy. Al Úmittiń kúıeýi Sámen shahtada jumys isteıtin, keńestik ıdeologııaǵa shyndap berilgen adam edi. Bas saýǵalap kelgen Muhıdendi NKVD-ǵa ustap berýdi oılaǵanymen, sońynda adamdyq sezimi jeńip, ol raıynan qaıtady. Alaıda aýyl belsendileriniń ańdýymen Muhıden qaıta ustalyp, taǵy da ólim jazasyna kesiledi. Osylaısha, ol bir ómirinde eki márte atý jazasyna ushy­raıdy. Pesanyń qysqasha mazmuny – osy. «Shańyraq» teatry sahnalaǵan spektakldiń sony qyrlary, akterlerdiń, rejısserdiń ózindik izdenisteri júrekke jyly tıdi. Sondaı-aq stýdent jastardyń oıyn­da­ry kóńilge qonymdy shyq­ty. Muny kórermender qoshe­me­tinen ańǵardyq. Qoıylym sońynda drama avtory Jambyl Artyq­­­baı tarıhı derekterge negizdelgen pesanyń bas­ty ıdeıasy týraly áńgimelep, «Shańyraq» teatrynyń ónerli jastaryna jáne teatrdyń kórkemdik jetekshisi Jambyl Tilepovke alǵys bildirdi.

– О́mirdiń ár sátinde, ár sekýndynda biz jaqsylyq pen jamandyqtyń, adaldyq pen satqyndyqtyń arasynda tańdaý jasaımyz. Eger satqyndyqty tańdasa, sol sátte-aq onyń ishindegi adam óldi degen sóz. Keıingi ómirinde onyń tek syrt­qy beınesi, qaýashaǵy ǵana qala­dy. Ondaı «adamdar» júz jyl jasaýy múmkin, biraq olar­dyń ishinde júrek, rýh bol­maıdy. Bizdiń pesadaǵy negizgi dramalyq túıin de osy. Pesadaǵy Sámenniń aldynda eki tańdaý turdy. Muhıdendi ustap berse – satqyndyqqa baryp, adamdyqty óltiredi. Ustap bermese – óz ómirine qaýip tónedi. Osyndaı qıyn tańdaýdyń ortasynda qalǵan adamnyń ishki arpalysy qoıylymda jaqsy ashylǵan», dep Jambyl Artyqbaı stýdent jastarǵa batasyn berdi.

Aıta keteıik, «Shańyraq» teatry­ jaqynda ǵana Dýbaıda ótken baıqaýda top jaryp, bas júldeni oljalady. Onyń aldynda Ispanııa, Ázerbaıjan syndy memleketterde el mereıin asyryp júrgen stý­dent­tik teatrdyń halyqtyq teatr ataǵyn alatyn kúni de alys emes dep senemiz.