Foto: gov.kz
Depýtattyń baıandaýynsha, zań jobasynda kondomınıýmdy basqarýdyń eki túri múlik ıelerin biriktirý, tikeleı birlesken basqarý tetikteri engizilgen.
Qarapaıym seriktestikter óz jumysyn basqarýdyń ekinshi túri retinde jalǵastyrady. Al basqarý sýbektileriniń eki túri basqarýshy kompanııa, páter ıeleriniń kooperatıvi qoldanylady.
Basqarý sýbektileri úshin jańa mindetter engiziledi:
- turǵyndarǵa sıfrlyq daýys berýge jáne esep alýǵa múmkindik beredi;
- ár úıge bólek shot ashady;
-turǵyn úı ınspeksııasyna qyzmet bastalǵany jáne qyzmet kórsetýge alynǵan úıler týraly habarlaıdy;
- shtatta kásibı menedjerler bolý qajet.
Páter ıeleri kooperatıvteriniń basqarý sýbektisi retindegi qyzmetine jańa mynadaı talaptar qoıylady:
- qaıta tirkeý tártibi;
- quqyq belgileıtin qujattardy berý tártibi;
- jumystyń ashyqtyǵyna qatysty talaptar;
- kirister tek jarǵylyq maqsattarǵa jumsalady.
Múlik ıeleriniń birlestikteri úshin birlestik tóraǵasynyń ókilettigi bir jyldan úsh jylǵa deıin ulǵaıyp, birlestikke úı basqarý qyzmetin óz erkimen júrgizýge quqyq beriledi. Sondaı-aq, tóraǵa eńbek sharty boıynsha kásibı basqarýshyny jaldap, oǵan birqatar ókilettik bere alady.
Zań jobasynda turǵyn úı ınspeksııasynyń ókilettikteri keńeıtý de kózdelgen.
- kásibı basqarýshylarda biliktilik sertıfıkaty bolý kerek;
- kondomınıým obektisi tirkelýi tıis;
- turǵyn úı-jaıdy paıdalaný normalaryn saqtaý mindetti;
- memlekettik baqylaýdy júzege asyrady, onyń ishinde jylytý maýsymyna úılerdi daıyndaıdy.
Qurylys salýshylar birinshi páterdi satqannan keıin kondomınıýmdy tirkeýge mindetti. Jınalys hattamasyna resmı qujat mártebesi berilip otyr.
Zań jobasynda ákimshilik jaýapkershilik kúsheıtiledi:
- shottardy ashý merzimderin buzǵany úshin 50 aılyq eseptik kórsetkish mólsherinde aıyppul;
- aı saıynǵy jáne jyldyq esepterdi usyný merzimderin buzý – 50 aılyq eseptik kórsetkish mólsherinde aıyppul;
- qurylys salýshynyń úı qujattamasyn usynbaýy – aılyq eseptik kórsetkishtiń 100-200 deıingi aıyppul;
- basqarý sýbektisiniń úı qujattaryn bermeýi – 50-10 aılyq eseptik kórsetkishke deıingi aıyppul qarastyrylady.
