«Bıyl shegirtke zııankesteri 2,1 mln gektar alqapqa taralady dep boljanýda. Bul ótken jylmen salystyrǵanda 1 mln gektarǵa az. Hımııalyq óńdeýlerge 443 búrikkish tehnıka men 46 dron tartý josparlanyp otyr», – delingen mınıstrlik habarlamasynda.
Shegirtkelerdiń taralýyna jol bermeý maqsatynda óńirlerde fıtosanıtarlyq sharalar belsendi júrgizilip jatyr. Qazirgi tańda 907 myń gektarǵa jýyq aýmaq zerttelgen, onyń ishinde 7 dron paıdalanylǵan. Zııankester anyqtalǵan aýmaq 456 myń gektardy quraıdy, onyń 354 myń gektary ekonomıkalyq zııandylyq sheginen asyp otyr.
Búginde 348 myń gektar jer hımııalyq jolmen óńdelip úlgerdi. Atap aıtqanda, Jambyl oblysynda – 14 myń ga, Túrkistan oblysynda – 335 myń ga jerge shegirtkege qarsy óńdeý júrgizilgen. Aýyl sharýashylyǵy mınıstrligi shegirtke máselesi turaqty baqylaýda ekenin jáne zııankesterdiń taralýyna jol berilmeıtinin atap ótti.
