Foto: e-history.kz
Mol málimetter bazasy saqtalǵan atalǵan saıttaǵy qanshama batyrlar týraly jazylǵan galereıadan kez kelgen qoldanýshy olardyń ómiri men erlikteri týraly kólemdi aqparat ala alady.
Eske salaıyq, onlaın-portaldy paıdalanýshylar – soǵysqa qatysqan óz týysynyń týraly estelikterin bólisýge múmkindigi bar. Oǵan qosa, ár qoldanýshy ardager týysynyń sýretterin veb-portalǵa júkteı alady. Sonymen birge veb-portaldyń derekqorynda joq ardagerlerdiń málimetterin ońaı engizýge bolady. Ol úshin myna siltemege ótińiz.
Aıta keteıik, 5 mamyr kúni QR Ulttyq arhıvinde «Batyrlarǵa taǵzym» atty biregeı veb-portalynyń tanystyrylymy men qujattyq kórme ótedi.
Is-sharanyń maqsaty – Jeńistiń 80 jyldyǵy halyqtardyń erligin, birligin máńgilik etetin tarıhı data qarsańynda el taǵdyryn óz taǵdyrynan bıik qoıa bilgen, el tuǵyryn bıik etý jolynda erlikpen qaza tapqan has batyr babalarymyzdyń qaharmandyqtaryna myń taǵzym ete otyryp, sol soǵysqa qatysqan maıdangerlerdi máńgi este saqtaý.
«Batyrlarǵa taǵzym» (https://batyrlarga-tagzym.kz) saıtynda qazirdiń ózinde 677 000-nan astam ardager jóninde, onyń ishinde 365 Keńes odaǵynyń batyry, 4 eki márte Keńes odaǵynyń batyry jáne 19 «Dańq» ordeniniń kavaleri, «Dańq» ordeniniń ıegerleri jáne basqa da erjúrek jaýyngerler týraly keń kólemdi málimetter bazasy men galereıasy bar.
Sonymen qatar is-shara aıasynda uıymdastyrylǵan kórmege «Batyrlarǵa taǵzym» saıtyndaǵy ardagerlerdiń, sondaı-aq Qazaqstan Respýblıkasy Ulttyq arhıviniń qorynan alynǵan Uly Otan soǵysynyń ardagerleri Kárı Abıtov, Táńirbergen Qalıhanov, Hamıt Erǵalıev, Málik Ǵabdýllın, Ermekbaev Serikbaevtyń qujattary, maıdanda jazǵan hattary qoıylady.
Is-sharaǵa UOS ardagerleriniń ul-qyzdary, belgili qoǵam jáne memleket qaıratkerleri, zııaly qaýym ókilderi, stýdentter men oqýshylar qatysady.
Bul joba – dúnıeni dúr silkindirgen II Dúnıejúzilik soǵysta urpaq aldyndaǵy boryshyn adal atqaryp, el erteńi úshin kúresken barsha qazaqstandyq ardagerlerge kórsetilgen qurmet ári bolashaq urpaqtyń jadynda tarıhı shyndyqtyń máńgi saqtalýyna jasalǵan mańyzdy qadam.
О́tetin orny: Astana qalasy, Nurjol jelekjoly, 12
Ulttyq arhıvi ǵımaraty, №414 konferens zal
Ýaqyty: 5 mamyr 2025 jyl, saǵat 11.00
