Foto: Oqý-aǵartý mınıstrligi
Azııa-Tynyq muhıty lıngvıstıkalyq olımpıadasyna Qytaı, Avstralııa, Gonkong, Japonııa, Malaızııa, Iran, Koreıa, Sıngapýr, Taıland elderinen 500-ge jýyq oqýshy baq synady. Baıqaý qorytyndysy boıynsha Mańǵystaý oblysyndaǵy IT-lıseıdiń oqýshysy Ramazan Býtantaev joǵary nátıje kórsetip, olımpıadanyń absolıýtti jeńimpazy atanyp, altyn medal enshiledi. Sondaı-aq bilim báıgesinde Samır Sarbasov - 12 synyp, NZM, Astana qalasy, Tımýr Kantaev - 11 synyp, «Arystan» mamandandyrylǵan mektebi, Almaty qalasy, Zere Serikova - 11 synyp, №9 «Zerde» mektebi, Astana qalasy, Temirlan Seıtbattal - 11 synyp, BIL, Aqmola oblysynyń oqýshylary júldegerler tuǵyrynan tabyldy.
Al Islam Sıpattalov - 10 synyp, BIL, Aqtóbe qalasy, Shyńǵys Qarasaev - 11 synyp, NZM, Oral qalasy, Aron Hasanov -11 synyp, BIL, Atyraý qalasynyń oqýshylary Qurmet gramotasymen marapattaldy.
Asia Pacific Linguistics Olympiad (APLO) — joǵary synyp oqýshylaryna arnalǵan halyqaralyq lıngvıstıkalyq olımpıadaǵa bilim alýshylardy lıngvıstıka jáne geografııa pánderinen halyqaralyq jáne respýblıkalyq olımpıadalar jeńimpazy, Eberhard jáne Karl atyndaǵy Tıýbıngen ýnıversıtetiniń 2-kýrs stýdenti Aıda Davletova daıyndaǵan.
Aıta keteıik, bul olımpıada logıkalyq oılaý, tildik túısigi men mádenıetaralyq quzyrettilikti damytýǵa baǵyttalǵan jáne Halyqaralyq lıngvıstıkalyq olımpıadaǵa (IOL) qatysýǵa múmkindik beredi.
