Memleket basshysy Qasym-Jomart Toqaev pen Vetnam Kommýnıstik partııasy Ortalyq komıtetiniń Bas hatshysy To Lam qol qoıǵan Qazaqstan men Vetnam arasynda Strategııalyq seriktestik ornatý týraly birlesken málimdemeni júzege asyrý boıynsha aldaǵy jumystarǵa nazar aýdaryldy. Saýda, aýyl sharýashylyǵy, kólik jáne logıstıka, azamattyq avıasııa, týrızm salasyndaǵy ózara is-qımyldy keńeıtý, sıfrlyq qyzmetter engizý jáne JI ıntegrasııasy boıynsha ozyq tájirıbe almasý perspektıvalary qaraldy.
Joǵary deńgeıde qol jetkizilgen taýar aınalymyn 2 mlrd dollarǵa deıin arttyrý jónindegi ýaǵdalastyqtar sheńberinde Qazaqstannyń 35 taýar atalymy aıasynda vetnam naryǵyna jetkizý kólemin ulǵaıtýǵa daıyndyǵy atap ótildi. Olardyń ishinde munaı-hımııa, metallýrgııa, hımııa, mashına jasaý, tamaq ónerkásibi men basqa da ónimder bar.
Aýyl sharýashylyǵy salasynda oń serpin belgilendi. О́tken jyldyń qorytyndysyna sáıkes, Qazaqstan men Vetnamnyń AО́K ónimderi boıynsha saýda kólemi 3,5%-ǵa, qazaqstandyq aýyl sharýashylyǵy ónimderin jetkizý 15 esege ósti. Sondaı-aq aýyl sharýashylyǵynyń ónimdiligin arttyrýǵa baǵyttalǵan zamanaýı agrotehnologııalardy engizý úshin ǵylym salasynda tájirıbe almasý keleshegi zor baǵyt sanalady.
Kólik-logıstıka salasynda Transkaspıı halyqaralyq kólik baǵytyn damytý aıasyndaǵy ózara is-qımylǵa nazar aýdaryldy. Orta dáliz Vetnamnan júkterdi jetkizý merzimin qysqartýǵa múmkindik beredi. Bul ózara saýdany sapaly jańa deńgeıge shyǵarýdy qamtamasyz etedi.
Kelissózder qorytyndysy boıynsha taraptar Qazaqstan men Vetnam arasyndaǵy ekijaqty saýda-ekonomıkalyq yntymaqtastyqty nyǵaıtý úshin barlyq kúsh-jigerdi jumsaýǵa nıetti ekenin bildirdi.
