Foto: Densaýlyq saqtaý mınıstrligi
Oqıǵa ornyna jetken jedel medısınalyq kómek brıgadasy áıel adamnyń qan qysymynyń tym joǵary ekenin anyqtap, jaǵdaıynyń aýyrlyǵyn eskerip, sanıtarııalyq avıasııa arqyly shuǵyl túrde Pavlodar qalasyndaǵy Kardıoortalyqqa jetkizgen.
Densaýlyq saqtaý mınıstrliginiń baspasóz qyzmetiniń habarlaýynsha, naýqasqa shuǵyl túrde mıdyń kompıýterlik tomografııasy (KT) jasalyp, sýbarahnoıdaldi qan quıylý jáne mańdaı bóligi aımaǵynda úlken aralyq gematoma bary anyqtalǵan. Neırohırýrg keńesinen keıin 3D rekonstrýksııasy bar angıografııa jasalyp, aldyńǵy biriktirýshi arterııada eki qosymsha dıvertıkýly bar, keń negizdi, jarylǵan qapshyq tárizdi anevrızma tabylǵan. Sonymen qatar, eki ishki uıqy arterııasynda ıilim (kınkıng) baıqalǵan. Degenmen, aldyńǵy biriktirýshi arterııa qalypty jumys istep turǵan.
«О́mirlik kórsetilimderi boıynsha rentgenendovaskýlıarlyq operasııa jasaldy – anevrızma arnaıy mıkrokatýshkalarmen (mıkrospıraldarmen) tolyq embolızasııalandy. Operasııa sátti ótti, anevrızmanyń búkil qýysy senimdi túrde jabyldy. Pasıenttiń jaǵdaıy aýyr kúıde qalyp, 9 kún boıy reanımasııa bólimshesinde qarqyndy em aldy. Jaǵdaıy turaqtanǵannan keıin ol ári qaraı em qabyldaý úshin nevrologııa bólimshesine aýystyrylyp, keıin densaýlyǵy jaqsarǵan kúıde úıine shyǵaryldy. Osyndaı patologııalar kezinde ólim deńgeıi, ásirese aýrýdyń jiti jáne erte kezeńderinde 50%-ǵa deıin jetedi. Alaıda jedel járdem brıgadasynyń ýaqtyly áreketi, sanıtarııalyq avıasııamen jedel jetkizý jáne Kardıoortalyq mamandarynyń kásibı jumysy pasıenttiń ómirin saqtap qalýǵa múmkindik berdi.Pasıentke kórsetilgen barlyq medısınalyq kómek áleýmettik medısınalyq saqtandyrý júıesiniń sheńberinde tegin kórsetildi», delingen habarlamada.
