Foto: Ashyq derekkóz
Oblystyq ishki saıasat basqarmasynyń málimetinshe, aýyl sharýashylyǵyndaǵy bul tabystar memlekettik qoldaýdyń kúsheıýi men óńirdegi mal sharýashylyǵy fermalarynyń kóbeıýimen baılanysty. Qazirgi tańda oblysta 426 myńnan astam iri qara, 264 myńǵa jýyq jylqy jáne 10 mıllıonǵa jýyq qus tirkelgen. Jyl basynan beri 25 myń tonna et, 33 myń tonna sút óńdelip, aıran, sary maı syndy ónimderdiń kólemi artty. Jalpy, azyq-túlik ónimderiniń óndirisi 13,7 paıyzǵa kóbeıgen.
Aýyl sharýashylyǵyn damytý maqsatynda óńirde jalpy quny 46,5 mlrd teńgeni quraıtyn 20 ınvestısııalyq joba iske asyrylyp jatyr. Bul jobalar sút fermalaryn, et óńdeý zaýyttaryn, astyq pen kókónis saqtaıtyn qoımalardy, sondaı-aq sýarý júıelerin salýdy qamtıdy.
«2025 jylǵy kóktemgi egis naýqanyna daıyndyq ta joǵary deńgeıde júrgizilip jatyr. Bıyl óńirde aýyl sharýashylyǵy daqyldary 5,2 mln gektar alqapqa sebiledi. Negizgi basymdyq – maıly daqyldarǵa berilmek. Olardyń paıdasy dándi daqyldarǵa qaraǵanda anaǵurlym joǵary bolǵandyqtan, bıyl egis kólemi ótken jylmen salystyrǵanda 161 myń gektarǵa artty. Qazirgi tańda 540 myń tonna tuqymnyń bári tekserilip, sapaly dep tanyldy. Daıyndyq aıasynda 37 myńnan astam tehnıka jóndelip, jumysqa saqadaı saı tur. Memleketten naryqtaǵy baǵadan tómen baǵada 82,9 myń tonna jeńildetilgen dızel otyny bólindi», delingen habarlamada.
О́ńirde sút óndirisin damytýǵa basa nazar aýdarylǵan. О́tken jyly 5 zamanaýı sút-taýar fermasy iske qosylyp, 5,4 myń basqa arnalǵan jańa keshender salynǵan. 2025 jyly Atbasar, Zerendi, Býrabaı aýdandarynda taǵy 5 ferma ashý josparlanǵan. Bul oblys boıynsha sút óndirisin 70 myń tonnaǵa deıin arttyrýǵa múmkindik beredi.
Aqmola oblysy eksport áleýetin de arttyryp otyr. 2024 jyly óńirden Qytaı, Iran, Italııa, Latvııa, О́zbekstan sekildi elderge 2,5 mıllıon tonnadan astam astyq eksporttalǵan. Jaqynda Estonııadaǵy Muuga portymen yntymaqtastyq týraly memorandýmǵa qol qoıyldy. Bul qadam Aqmola ónimderin Eýropa naryǵyna shyǵarýdyń jańa joldaryn ashady. Sonymen birge et, sút ónimderi, maı, jumyrtqa men tipti tiri mal da shetelge jóneltilip jatyr.
«Fermerler memleketten jeńildetilgen nesıeler, sýbsıdııalar, tehnıka jáne tyńaıtqyshtar alyp otyr. Mysaly, tek mıneraldy tyńaıtqyshtar úshin 12 mlrd teńge bólinse, aýyl sharýashylyǵyn qarjylandyrýdyń jalpy kólemi 700 mlrd teńgege jetti. Alaıda endi memlekettik qoldaýdy alý úshin sharýashylyqtar óndiristiń naqty ósimin kórsetýi tıis. Nátıje bolmaıynsha, kómek toqtatylýy múmkin.Qazirgi tańda oblysta 67 qaıta óńdeý kásiporny jumys isteıdi. Onyń ishinde 16-sy – et, 15-i – sút, 28-i – un ónimderin óńdeýmen aınalysady. Sútti óńdeý deńgeıi 87 paıyzǵa, al et- 78 paıyzǵa jetti. Bul – azyq-túlik ónimderiniń óńirde óndirilip, qaıta óńdelý arqyly óńirlik ekonomıkanyń turaqtylyǵyna úles qosyp otyrǵanyn bildiredi», delingen habarlamada.
Aqmola oblysy aýyl sharýashylyǵyn damytý, ónim óndirý men qaıta óńdeýdi kúsheıtý arqyly elimizdiń azyq-túlik qaýipsizdigin qamtamasyz etýge zor úles qosyp otyr.
