Brıfıngte bıyl magıstratýraǵa 120, doktorantýraǵa 12 memlekettik grant bólingeni aıtyldy. 2025 jyly oqýǵa túsetinderdi jańa talap, jańarǵan bilim baǵdarlamalary men sıfrlyq memlekettik basqarýǵa baılanysty jańa baǵyttar kútip tur. Aryz-ótinishti Admission aqparattyq júıesi arqyly bıylǵy 25 maýsymǵa deıin onlaın formatta joldaýǵa bolady.
Irikteý jumysy eki kezeńnen turady: 28 maýsym men 1 shilde aralyǵynda ótetin birinshi kezeńde – onlaın-formatta saraptamalyq esse jazylady. Doktorantýraǵa úmitkerler birinshi kezeńde Research proposal baǵalanady. Shildeniń 8-23 aralyǵyndaǵy ekinshi kezeńde akademııada suqbat ótedi.
Baıqaýdyń aralyq qorytyndysy 25 shilde kúni jarııalanady. Qorytyndy shyqqan soń, talapkerler 7 tamyzǵa deıin qujat tapsyryp úlgerýi kerek. Oqý 1 qyrkúıekte bastalady.
«Akademııada oqýdyń artyqshylyǵyn da aıta ketkimiz keledi. Bul jerde oqýdy praktıkamen ushtastyryp, kásibı turǵyda shyńdalýǵa múmkindik mol. Túlekter qyzmettegi adammen birdeı stıpendııa alyp, shetelge tájirıbe almasýǵa baryp qaıtýy múmkin, ǵylymı zertteý de jasaı alady, jobany qorǵaı alady, jas memlekettik qyzmetkerler úıinde turyp, tájirıbeli professorlar men ekspertterden tálim alady», dep atap ótti Aınur Idrısova.
