Aımaqtar • 15 Mamyr, 2025

Bıyl Jambyl oblysynyń dıqandaryna eki ese kóp sý berilgen

70 ret

kórsetildi

2 mın

oqý úshin

Osy jylǵy sýarý maýsymy bastalǵaly jambyldyq sharýalar 44 mln tekshe metr sý alǵan. Bul týraly Sý resýrstary jáne ırrıgasııa mınıstrligi habarlady, dep jazady Egemen.kz.

Dana MYRZAQADIR

Bıyl Jambyl oblysynyń dıqandaryna eki ese kóp sý berilgen

Foto: gov.kz

Oblysta kún raıynyń ysýyna baılanysty sýarý kezeńi 25 kúnge erte bastalǵan. Jaýyn-shashyn bolmaǵandyqtan, sýarmaly sýǵa suranys aldyńǵy jyldarmen salystyrǵanda eki ese artyp otyr. Búginge deıin óńirdegi 15 myń gektar egis alqaby sýarylǵan.

Qazirgi kezeńde Jambyl oblysynyń «Qazsýshar» fılıaly tıisti kelisimsharttar jasalǵan sharýalardy sýarmaly sýmen qamtamasyz etip jatyr.

«Qazir barlyq kúsh Jambyl oblysynyń sharýalaryn sýarmaly sýmen qamtamasyz etýge baǵyttalǵan. Ol úshin Kırov sý qoımasynan sý jiberý kólemin ulǵaıtý boıynsha qyrǵyz áriptesterimizben kelissóz júrgizildi», dedi Jambyl oblysynyń «Qazsýshar» fılıalynyń dırektory Qaırat Amanov.

О́z kezeginde dıqandar sýǵa qatysty kúrmeýli másele týyndamaǵanyn aıtyp otyr. «Pııaz ektim, jaqsy ósip keledi. Tamshylatyp sýarý júıesi tıimdi, sýdy, dárini únemdeýge kómektesedi. Endi gektaryna 70-80 tonna ónim jınaımyz dep eseptep otyrmyz. Sharýashylyqpen aınalysyp jatyrmyn. Sýmen másele joq», dedi eginshi Aqylbek Báıtikov.

«13 gektarǵa arpa ektim. Qazir bir ret sýaryp qoıdyq. Sý mol kelip jatyr. Tek kelisimshartqa otyryp, aqshasyn tóleý qajet. Qazaqta «sýdyń da suraýy bar» degen sóz bar. Bizdiń jer ylǵaldy jaqsy ustaıdy. Bir márte sýarsaq, sol bizge jetkilikti. Onyń ózinen jaqsy ónim alamyz. Jońyshqany da bir ret sýarǵannan keıin, eki ret oryp alamyz. Gektaryna 150-170 oram shóp jınalady. Bul ózimiz baǵatyn malǵa jetedi», dedi Qyzylsharyq aýylynyń turǵyny, sharýa qojalyǵynyń ıesi Ábdibek Shymyrbaev.